شیوراج نے ’وجے دیوس‘ کی مبارکباد پیش کی

بھوپال،دسمبر۔ مدھیہ پردیش کے وزیر اعلی شیوراج سنگھ چوہان نے ’وجے دیوس‘ کے موقع پر ہندوستانی فوج کی بہادری کو یاد کرتے ہوئے سبھی کو مبارکبا د پیش کیاہے۔مسٹر چوہان نے ٹوئیٹ کے ذریعے لکھا ہے، ”آپ سبھی کو ’وجے دیوس‘کی دلی مبارکباد۔ آج کے ہی دن ہندوستانی فوج کی بہادری کے آگے پاکستانی فوج نے خود سپردگی کی اور بنگلہ دیش کو آزادی ملی تھی۔ اس تاریخی فتح کے ہیرو رہے ہندوستانی فوج کے بہادر جوانوں کی بہادر ی اور قربانی کوسلام۔“ریاستی کابینہ کے ارکان اور بھارتیہ جنتا پارٹی (بی جے پی) اور کانگریس کے لیڈروں نے بھی وجے دیوس کے موقع پر فوج کی بہادری کو یاد کرتے ہوئے سبھی کو مبارکباد پیش کی۔