سنگھار معاملے میں پرینکا گاندھی کیا کارروائی کریں گی: وشنودت شرما

بھوپال، نومبر۔ بھارتیہ جنتا پارٹی کے ریاستی صدر وشنودت شرما نے مدھیہ پردیش میں کمل ناتھ حکومت میں وزیر رہنے والے کانگریس ایم ایل اے امنگ سنگھار کے خلاف درج عصمت دری کے معاملے میں کانگریس کی سینئر لیڈر پرینکا گاندھی سے جواب طلب کیا ہے۔مدھیہ پردیش میں راہل گاندھی کی ‘بھارت جوڑو یاترا میں شامل ہونے سے متعلق خبریں سامنے آنے کے درمیان مسٹر شرما نے آج کہا کہ محترمہ پرینکا گاندھی بیٹی ہوں، لڑ سکتی ہوں، جیسی مہم چلا رہی تھیں۔ اس سلسلے میں انہوں نے کہا کہ مدھیہ پردیش ان سے پوچھ رہا ہے کہ وہ کانگریس ایم ایل اے امنگ سنگھار کے خلاف کیا کارروائی کریں گے۔انہوں نے کہا کہ کانگریس کی ایک لیڈر نے امنگ سنگھر پر عصمت دری کا الزام لگایا، ایف آئی آر درج ہوئی ہے، اب پولیس انہیں تلاش کر رہی ہے۔ کیا محترمہ پرینکا گاندھی امنگ سنگھار کو جیل بھیج کر، کانگریس سے ہٹاکر اپنی اس مہم کا جواب دیں گی ۔انہوں نے کہا کہ مدھیہ پردیش کی خواتین بھی یہ سوال پوچھ رہی ہیں۔