ترنمول کانگریس کے ترجمان اخبار جاگو بنگلہ میں ایک بار پھر کانگریس کی سخت تنقید

کلکتہ،دسمبر ۔ترنمول کانگریس اور کانگریس کے درمیان جاری لفظی جنگ کے درمیان مغربی بنگال میں حکمراں جماعت نےآج ایک بار پھر ملک کی سب سے قدیم سیاسی جماعت کانگریس کی سخت تنقید کرتے ہوئے کہا ہے کہ وہ ’’ڈیپ فریزر‘‘ میں چلی گئی ہے اور اپوزیشن قوتیں اب اس کی تلاش میں ہیں۔ وزیر اعلیٰ ممتا بنرجی ہی اس خلا کو پر کرسکتی ہیں۔ترنمول کانگریس جو کانگریس کے ناراض کانگریسی لیڈروں کو اپنی پارٹی میں شامل کررہی ہےنے آج اپنے اخبار ’’جاگو بنگلہ ‘‘میںکانگریس کی تنقید کرتے ہوئے کہا ہے کہ ترنمول کانگریس بی جے پی سے لڑنے کےلئے پرعزم ہے ۔کانگریس کے خلاف پرشانت کشور کے تازہ ترین ٹویٹ کا حوالہ دیتے ہوئے، مضمون میں کہا گیا ہے کہ یہ صرف انتخابی حکمت عملی ساز نہیں ہے بلکہ خود کانگریس کے لیڈر بھی ہیں جو پارٹی قیادت پر تنقید کر رہے ہیں۔ترنمول کانگریس ایک طویل عرصے سے یہ کہہ رہی ہے کہ کانگریس ایک خرچ شدہ طاقت ہے۔ ان کے پاس بی جے پی سے لڑنے کا جوش نہیں ہے۔ پارٹی آپس کی لڑائی میں اس قدر پھنس چکی ہے کہ اس کے پاس اپوزیشن بنانے کے لیے وقت یا توانائی نہیں ہے۔ یو پی اے کا کوئی وجود نہیں ہے۔مضمون میں کہا گیا ہے کہ ‘کانگریس ان ڈیپ فریزرمیں ہے۔ملک کو فی الحال ایک متبادل محاذ کی ضرورت ہے اور اپوزیشن جماعتوں نے یہ ذمہ داری ممتا بنرجی کو دی ہے۔ وہ خلا کو پر کرنے کے لیے ان کی طرف دیکھ رہے ہیں۔ وہ اس وقت ملک میں سب سے زیادہ مقبول اپوزیشن چہرہ ہیں۔کشور نے جمعرات کو ٹویٹر پر کہا کہ کانگریس کی قیادت کا کوئی خدائی حق نہیں ہے ۔گزشتہ 10 سالوں میں 90 فیصد سے زیادہ انتخابات ہار چکی ہے۔کانگریس کے سینئر لیڈر کھلے عام راہل گاندھی پر تنقید کررہے ہیں ۔ممتا بنرجی نے ممبئی کے اپنے حالیہ دورہ کے دوران کہا تھا کہ ’’یو پی اے کا کوئی وجود نہیں ہے‘‘۔میگھالیہ میں اپوزیشن کانگریس کو زبردست جھٹکا دیتے ہوئے، سابق وزیر اعلی مکل سنگما کی قیادت میں اس کے 17 ایم ایل اے میں سے 12 نے گزشتہ ہفتے ٹی ایم سی میں شمولیت اختیار کی۔تریپورہ کے سیاسی میدان میں بڑے پیمانے پر داخل ہونے کی کوشش میں، حال ہی میں میونسپل انتخابات کے دوران بی جے پی کے ساتھ سخت مقابلہ کرتی ہوئی ترنمول کانگریس نظر آئی ۔ترنمول کانگریس گوا میں انتخابات لڑنے کی تیار ی کررہی ہے۔قبل ازیںترنمول کانگریس نے اپنے اخبار میں، کانگریس کو ایک ’’ نااہل‘‘پارٹی قرار دیا تھا، اور کہا تھا کہ ممتا بنرجی کی زیرقیادت کیمپ والی جہاز میں کانگریس لیڈروں کے کودنے کے لیے مورد الزام نہیں ٹھہرایا جا سکتا۔خیال رہے کہ ایک دن قبل کانگریس کے ترجمان نے ممتا بنرجی اور ترنمول کانگریس کی سخت تنقید کرتے ہوئے کہا تھا ممتا بنرجی کو ماضی کی طرف بھی دیکھنا چاہیے وہ کتنی مرتبہ این ڈی اے کا حصہ رہی ہیں اور کتنی مرتبہ یو پی اے میں رہی ہیں ۔انہوں نے کہا کہ ممتا بنرجی ایک مرتبہ پھر اپنے پرانے ایجنڈے پر واپس آنا چاہتی ہیں ۔