بی جے پی میں بڑا تنظیمی ردوبدل، 24 لیڈروں کو نئی ذمہ داریاں دی گئیں

نئی دہلی،  بھارتیہ جنتا پارٹی (بی جے پی) کے قومی صدر نتن نوین نے تنظیم کو مزید مضبوط بنانے کے مقصد سے مختلف ریاستوں میں پارٹی رہنماؤں کو نئی تنظیمی ذمہ داریاں سونپی ہیں۔ تمام تقرریاں فوری طور پر نافذ العمل ہوں گی۔
بی جے پی کے مرکزی دفتر کی جانب سے جمعرات کو جاری پریس ریلیز کے مطابق کل 24 رہنماؤں کا تقرر کیا گیا ہے۔ ان میں تنظیم کی مختلف اہم ذمہ داریاں شامل ہیں جن میں نیشنل جوائنٹ سکریٹری جنرل (تنظیم)، اسٹیٹ سکریٹری جنرل (تنظیم)، اسٹیٹ جوائنٹ سکریٹری جنرل (تنظیم) شامل ہیں۔ شیو پرکاش کو نیشنل جوائنٹ سکریٹری (تنظیم) کی ذمہ داری کے ساتھ آندھرا پردیش، مہاراشٹر، مدھیہ پردیش، چھتیس گڑھ اور گوا کی ذمہ داری سونپی گئی ہے۔ سودان سنگھ کو بہار، جھارکھنڈ، اڈیشہ اور مغربی بنگال کی ذمہ داری سونپی گئی ہے۔
بی ستیش کو ایس سی-ایس ٹی مورچہ اور پارلیمانی دفتر کی ذمہ داری دی گئی ہے، جبکہ ناگیندر کو تنظیم اور سینئر کارکن رابطہ کی ذمہ داری دی گئی ہے۔ اجے جاموال کو مہاراشٹر کا ریاستی جنرل سکریٹری (تنظیم) بنایا گیا ہے۔ ساتھ ہی ستیش دھونڈ کو مہاراشٹر میں ریاستی جوائنٹ جنرل سکریٹری (تنظیم) کے ساتھ گجرات، مدھیہ پردیش، راجستھان اور مہاراشٹر میں قبائلی رابطہ کی ذمہ داری سونپی گئی ہے۔
دیگر تقرریوں میں مدھوکر کو آندھرا پردیش اور تلنگانہ، دشرتھ کو تلنگانہ اور رویندر راجو کو آسام اور تریپورہ میں دفاتر کی تعمیر کی ذمہ داری دی گئی ہے۔ بھیما بائی دلسانیا کو بہار کے لیے ریاستی جنرل سکریٹری (تنظیم)، پون سائی کو جھارکھنڈ کے لیے اور سدھارتھن کو ہماچل پردیش کے لیے ریاستی جنرل سکریٹری (تنظیم) مقرر کیا گیا ہے۔
اس کے علاوہ رتناکر کو گجرات، دادرا اور نگر حویلی اور دمن اور دیو کا ریاستی جنرل سکریٹری (تنظیم)، ارون بنواڑی کو گجرات ، فنیندر ناتھ شرما کو اتراکھنڈ ، پون رانا کودہلی اور ہریانہ ، کرمویر کوچھتیس گڑھ اور چندر شیکھر کومدھیہ پردیش کا ریاستی جنرل سکریٹری (تنظیم) بنایا گیا ہے۔
مانس موہنتی کو اڈیشہ کا ریاستی جنرل سکریٹری (تنظیم)،وزیر سرینیواسولوکو پنجاب اور چندی گڑھ ، دھرم پال کواتر پردیش اورامیتابھ چکرورتی کو مغربی بنگال کا ریاستی جنرل سکریٹری (تنظیم) مقرر کیا گیا ہے۔ تنظیمی سطح پر ابھے گری کو برج خطے کا اور اننت نارائن مشرا کو بھاگلپور، پورنیہ اور کوسی علاقوں کا منتظم بنایا گیا ہے۔