آبے کا قتل انسانیت کے لیے ایک عظیم المیہ: کووند

نئی دہلی، جولائی ۔ صدر رام ناتھ کووند نے جاپان کے سابق وزیر اعظم شنزو آبے کے قتل کو انسانیت کے لیے ایک بڑا سانحہ قرار دیتے ہوئے کہا کہ یہ یقین کرنا مشکل ہے کہ وہ اس دنیا میں نہیں رہے۔ مسٹر کووند نے جمعہ کو اپنے تعزیتی پیغام میں مسٹر شنزو کے قتل کو تمام انسانیت کے لئے ایک عظیم المیہ قرار دیا۔ انہوں نے کہا، مجھے یقین کرنا مشکل ہے کہ شنزو آبے اب اس دنیا میں نہیں ہیں۔ وہ ایک عظیم محب وطن تھے اور ان کے میٹھے اور دوستانہ رویے نے انہیں پوری دنیا میں پسند کیا۔ صدر نے کہا، ایک سرپھرے حملہ آور کی گولی سے شنزو آبے کی موت پوری انسانیت کے لیے ایک المیہ ہے۔ میں ان کے خاندان اور جاپان کے لوگوں کے تئیں اپنی گہری تعزیت کا اظہار کرتا ہوں۔ مسٹر آبے کو جمعہ کو جاپان کے نارا علاقے میں انتخابی مہم کے دوران گولی مار کر ہلاک کر دیا گیا تھا۔