وائرل ویڈیو کے سلسلے میں وزیر کی وضاحت

بھوپال، اکتوبر ۔ مدھیہ پردیش کے ضلع ستنا کے رائے گاؤں اسمبلی کے ضمنی انتخاب میں وزیر اعلیٰ شیوراج سنگھ چوہان کی تقریر کے دوران بھارتیہ جنتا پارٹی (بی جے پی) کی امیدوار پرتیما باگڑی اسٹیج پر کھڑی تھیں اور ریاست کے معدنی وسائل کے وزیر برجیندر پرتاپ سنگھ پیچھے کرسی پر بیٹھے ہیں۔ وزیر نے اس وائرل ویڈیو کے معاملے میں وضاحت پیش کی ہے۔مسٹر سنگھ نے ٹیلی فون پر یو این آئی کو بتایا کہ کل اسٹیج پر مسٹر چوہان کے خطاب کے دوران وہ وزیر اعلیٰ سے بات کرنے کے لیے اٹھے تھے۔ جب وہ اپنی نشست پر واپس آئے تو انہیں اپنے کرتے کی جیب میں چشمہ نہیں ملا۔ اس کے پاس بیٹھے ہوئے ایک اور بی جے پی لیڈر نے مسٹر سنگھ کو اشارے سے چشمہ کے بارے میں بتایا۔مسٹر سنگھ کے مطابق اس کے بعد انہوں نے بالوں سے چشمہ نکال کر اپنی جیب میں رکھے۔ انہوں نے اس سلسلے میں ایک ویڈیو بھی پیش کی ہے جس میں دیکھا جا سکتا ہے کہ جب مسٹر سنگھ وزیر اعلیٰ کے پاس سے لوٹ رہے تھے تو ان کی جیب سے ان کا چشمہ نکل کر بی جے پی امیدوار کے بالوں میں الجھ گیا۔ انہوں نے بتایا کہ یہ ایک عام واقعہ تھا۔دریں اثنا، اہم اپوزیشن پارٹی کانگریس ضمنی انتخابات کے دوران اسے ایک مسئلہ بنا رہی ہے۔ ریاستی کانگریس کے میڈیا ڈپارٹمنٹ کے نائب صدر بھوپندر گپتا نے ایک بیان میں کہا کہ بی جے پی کے وزیر کو عوامی پلیٹ فارم پر صبر نہیں ہے۔ انہوں نے کہا کہ وزیراعلی بار بار کنیا پوجن کے بارے میں بات کر رہے ہیں اور عوامی پلیٹ فارم پر ان کے وزیر کا رویہ سوالات کھڑے کر رہا ہے۔سوشل میڈیا پر وائرل ہونے والی ویڈیو اتوار کو ضلع ستنا کے سیمارواڑہ میں بی جے پی کے انتخابی جلسے کی ہے جس سے وزیراعلیٰ نے خطاب کیا۔ ویڈیو میں دیکھا جا سکتا ہے کہ مسٹر چوہان جلسہ سے خطاب کر رہے ہیں اور پارٹی امیدوار پریتیما باگڑی ان کے قریب کھڑی ہیں۔ ان کے بالکل پیچھے وزیر برجیندر پرتاپ سنگھ کرسیوں پر بی جے پی لیڈروں کے درمیان بیٹھے ہیں۔ بی جے پی امیدوار کے پیچھے بیٹھا ایک لیڈر نیلے رنگ کا کرتا پہن کر وزیر کی طرف کچھ اشارہ کرتا ہے۔ اس کے بعد وزیر بی جے پی امیدوار کے بالوں سے کچھ نکالتے ہوئے نظر آرہے ہیں۔ بی جے پی کا امیدوار بھی فورا پیچھے مڑ گیا اور وزیر کو دیکھنے کے بعد وہ سامنے کی طرف دیکھنے لگی۔ اس دوران مسٹر چوہان کی تقریر جاری رہتی ہے۔