شیوراج نے اسمارٹ گارڈن میں مولشری اور گل مہر کے پودے لگائے

بھوپال، مئی۔مدھیہ پردیش کے وزیر اعلی شیوراج سنگھ چوہان نے اسمارٹ سٹی گارڈن میں مولشری اور گل مہر کے پودے لگائے۔ بھوپال کی نوپور کنج سوسائٹی کے اراکین نتیش جین، ڈاکٹر کمودنی شرما، ہیمنت پاڈودے، سنجے کھوشال اور ریچا جین نے بھی پودے لگائے۔سرکاری اطلاعات کے مطابق سوسائٹی کے ممبران کی جانب سے ہر اتوار کو اپنے رہنے کی جگہ کی صفائی کرکے کچرے کو ٹھکانے لگانے کے لیے خصوصی انتظامات کیے جاتے ہیں۔ عام آدمی اور راہگیروں کے لیے پینے کے ٹھنڈے پانی کا انتظام کیا گیا ہے۔ سوسائٹی اپنے دونوں باغات میں ہر ماہ پودے لگانے کا خصوصی پروگرام منعقد کرتی ہے اور اس کی خوبصورتی کے لیے فوارہ بھی لگایا گیا ہے۔ سوسائٹی کے ممبران پودوں کی دیکھ بھال کے ذمہ دار ہیں اور میونسپل کارپوریشن کے صفائی کے کاموں میں مکمل تعاون فراہم کرتے ہیں۔آج لگائے گئے پودوں میں گل مہر کا شمار دنیا کے خوبصورت ترین درختوں میں ہوتا ہے۔ یہ دواؤں کی خصوصیات سے بھی بھرپور ہے۔ مول شری ایک مشہور درخت ہے۔ یہ صدیوں سے آیوروید میں استعمال ہوتا رہا ہے۔