پلوامہ انکاؤنٹر: ایک عدم شناخت جنگجو ہلاک، انکاؤنٹر جاری: پولیس

سری نگر،فروری ۔ جنوبی کشمیر کے ضلع پلوامہ کے اونتی پورہ کے پڈگام پور علاقے میں سیکورٹی فورسز اور جنگجوؤں کے درمیان جاری تصادم آرائی کے دوران ایک عدم شناخت جنگجو مارا گیا۔کشمیر زون پولیس نے ٹویٹ کرکے کہا: ’اونتی پورہ انکاؤنٹر اپ ڈیٹ:ایک جنگجو مارا گیا، جس کی لاش ابھی باز یاب نہیں ہوئی ہے‘۔ٹویٹ میں کہا گیا کہ انکاؤنٹر ہنوز جاری ہے۔قبل ازیں ذرائع نے بتایا کہ فوج اور سیکورٹی فورسز کی مشترکہ پارٹی نے پڈگام پورہ کو محاصرے میں لے تلاشی آپریشن شروع کر دیا۔انہوں نے کہا کہ جوں ہی تلاشی آپریشن کی ایک ٹیم مشتبہ مقام کے نزدیک پہنچی تو وہاں چھپے جنگجوؤں نے اس پر فائرنگ شروع کر دی جس کے نتیجے میں طرفین کے درمیان تصادم چھڑ گیا۔