وزیراعلی پرمود ساونت نے دیوالی کی مبارکباد دی

پنجی، اکتوبر۔گوا کے وزیر اعلیٰ پرمود ساونت نے اتوار کو دیوالی کے موقع پر ریاست کے لوگوں کو مبارکباد اور نیک خواہشات کا اظہار کیا اور امید ظاہر کی کہ یہ تہوار ریاست میں امن، خوشی اور خوشحالی لائے گا۔اپنے پیغام میں وزیر اعلیٰ نے کہاکہ’’دیوالی برائی پر سچائی، اندھیرے پر روشنی، جہالت پر علم اور جھوٹ پر سچائی کی فتح کی علامت ہے۔ یہ اس خوشی کی علامت ہے کہ بھگوان رام اس دن راون کو شکست دینے کے بعد ایودھیا واپس آئے تھے۔ روشنی کا یہ تہوار لوگوں کو اندھیرے سے روشنی کی طرف جانے کی ترغیب دیتا ہے۔ آئیے ہم سب روشنی کی راہ پر چلیں اور حقیقی معنوں میں خود کفیل بنیں۔ انہوں نے لوگوں پر زور دیا کہ وہ محفوظ اور ماحول دوست دیوالی منائیں۔مسٹر ساونت نے کہاکہ "اس سال آئیے اپنے ماحول کے بارے میں سوچیں جو زیادہ آتش بازی کی وجہ سے متاثر ہو رہا ہے۔ آئیے آلودگی سے پاک دیوالی منائیں۔ دیوالی خوشیاں بانٹنے اور لوگوں کے درمیان بھائی چارے کو مضبوط کرنے کا تہوار ہے۔ اس دیوالی پر ہم غریبوں اور پسماندہ لوگوں تک پہنچتے ہیں اور ان کے ساتھ دیوالی مناتے ہیں اور انہیں اپنا بناتے ہیں۔