نینی تال میں کار کھائی میں گر نے سے ڈرائیور کی موت

نینی تال،، مئی۔اتراکھنڈ کے نینی تال ضلع میں پیر کو ایک کار ڈرائیور سمیت کھائی میں گرگئی، جس سے ڈرائیور کی المناک موت ہو گئی۔ راحت اور بچاؤ کا کام پولیس اور ریاستی ڈیزاسٹر مینجمنٹ فورس ( ایس ڈی ٓر ایف ) کے ذریعہ انجام دیا گیا۔ لاش کو کھائی سے نکال کر پوسٹ مارٹم کے لیے بھیج دیا گیا ہے۔ نینی تال پولیس سے موصولہ اطلاع کے مطابق کار نمبر یو کے 04 ایم 1313 آج صبح الموڑہ سے ہلدوانی جارہی تھی۔ کار گرمپانی کے قریب حادثہ کا شکار ہوگئی اور کھائی میں جاگری ۔ کار سڑک سے تقریباً 30 میٹر نیچے چٹانوں میں گری۔ ڈرائیور کمل کمار ورما ساکن خان جاچی محلہ الموڑہ کی موقع پر ہی موت ہو گئی۔ اطلاع ملتے ہی کھیرنا چوکی سے ہیڈ کانسٹیبل نوین کمار کی قیادت میں پولیس اور ایس ڈی آر ایف کی ٹیم موقع پر پہنچی اور لاش کو بمشکل باہر نکالا گیا۔ پولیس نے پنچنامہ بھرنے کے ساتھ ہی لاش کو پوسٹ مارٹم کے لیے بھیج دیا۔ اس کے ساتھ ہی لواحقین کو حادثے کی اطلاع دے دی گئی ہے۔ پولیس حادثے کی وجہ کی تحقیقات کر رہی ہے۔