مہا کالیشورمندر کے احاطے میں ویڈیو بنانے کے معاملے میں جانچ کے ہدایات دئے:وزیر داخلہ

بھوپال، اکتوبر۔ مدھیہ پردیش کے وزیر داخلہ ڈاکٹر نروتم مشرانے کہا کہ آج کہا کہ اجین کے مہاکالیشور مندر میں ویڈیو بنانے سے متعلق معاملے میں اعلی احکام کو جانچ کے ہدایات دئے گئے ہیں۔ ڈاکٹرمشرا نے یہاں صحافیوں سے بات چیت کے درمیان کہا کہ یہ معاملہ ان کے علم میں آیا ہے۔ کلکٹر اور ایس پی کو جانچ کے ہدایات دئے گئے ہیں۔ عقیدت مندوں کے ساتھ کھلواڑ کسی طرح برداشت نہیں کیا جائے گا۔ دراصل دو لڑکیوں نے مہاکال مندر کے احاطے میں ویڈیو بناکر اس میں فلمی گانے جوڑ کر سوشل میڈیا پر اپلوڈ کر دیا، جس کے بعد یہ تنازعہ کھڑا ہو گیاہے۔ لڑکیاں نے گربھ گرہ اور مندر احاطے میں جل ابھیشیک اور ڈانس کا ویڈیو شوٹ کیا اور ان میں فلمی گانے جوڑ دئے۔ اس پر مندر کے پجاری نے اعتراض کیا، جس کے بعد یہ معاملہ سرخیوں میں آگیا۔گزشتہ دنوں چھترپور ضلع کے لوکشنگر میں واقع بنبربینی ماتا مندرکی سیڑھیوں پر ایک طالبہ نیہا مشرا نے رقص کرتے ہوئے ویڈیوسوشل میڈیا پر اپلوڈ کر دیا گیا۔ اس پر بھی کافی اعتراض کیا گیا تھا۔ معاملہ وزیر داخلہ کے علم میں آنے میں کے بعد انھوں نے لڑکی پر معاملہ درج کرانے کے حکم دیا تھا۔