لکھیم پور تشدد:اہم ملزم آشیش مشرا کی ضمانت منسوخ

نئی دہلی، اپریل۔سپریم کورٹ نے مرکزی وزیر مملکت برائے داخلہ اجے مشرا کے بیٹے اور لکھیم پور کھیری تشدد معاملے کے اہم ملزم آشیش مشرا کو الہ آباد ہائی کورٹ سے ملی ضمانت پیر کو منسوخ کرتے ہوئے اسے (آشیش کو) ایک ہفتے کے اندر خودسپردگی کرنے کا حکم دیا۔چیف جسٹس این وی رمن ،جسٹس سوریہ کانت اور جسٹس ہیما کوہلی کی بینچ نے آشیش کی ضمانت منسوخ کرنے اور اسے خودسپردگی کرنے کا حکم دینے کے ساتھ ہی الہ آباد ہائی کورٹ سے کہا کہ وہ نئے سرے سے غور کریں کہ اسے ضمانت دی جانی چاہئے یا نہیں۔بینچ نے ضمانت منسوخ کرنے کا حکم پاس کرتے ہوئے ہائی کورٹ نے کئی غیر متعلقہ حقائق پر غور کیا اور جلدبازی میں اپنا فیصلہ کیا۔متاثرین کو بادی النظر میں ملزم کی ضمانت عرضی کی مخالفت کرنے کےلئے مناسب وقت دئے بغیر ہی اپنا حکم پاس کردیا۔بینچ نے متعلقہ فریقوں کی دلیلیں سننے کے بعد چار اپریل کو اپنا فیصلہ محفوظ رکھ لیا تھا۔واضح رہے کہ اترپردیش کے لکھیم پور کھیری میں تین اکتوبر کو اترپردیش کے نائب وزیراعلی کیشو پرساد موریہ کے ایک پروگرام کی مخالفت کرنے کے دوران تشدد کے واقعات پیش آئے تھے۔اس تشدد میں مرکز کے اس وقت کے تین زرعی قوانین (اب منسوخ کردئے گئے) کے خلاف لمبے وقت سے تحریک کررہے چار کسانوں سمیت آٹھ لوگوں کی موت ہوگئی تھی۔معاملے کے اہم ملزم آشیش کو الہ آباد ہائی کورٹ نے دس فروری کو ضمانت دی تھی۔پولیس نے آشیش کو نو اکتوبر کو گرفتارکیا تھا۔متوفی کسانوں کے لواحقین اور دیگر نے ضمانت کے خلاف سپریم کورٹ سے رجوع کیا تھا۔ ان درخواستوں کی سماعت کے دوران جن میں ضمانت کی منسوخی کی درخواست کی گئی تھی، بنچ نے ضمانت کی "بنیاد” پر کئی سوالات اٹھائے تھے۔سپریم کورٹ کی طرف سے قائم کردہ خصوصی تحقیقاتی ٹیم (ایس آئی ٹی) نے اتر پردیش حکومت سے آشیش کی ضمانت کے خلاف اپیل کرنے کی سفارش کی تھی، لیکن حکومت نے اسے نظر انداز کر دیا۔ ایس آئی ٹی نے 30 مارچ کو سپریم کورٹ کو بتایا کہ اس نے ریاستی حکومت سے اہم ملزم کی ضمانت کے خلاف اپیل دائر کرنے کی سفارش کی ہے۔بنیادی ملزم آشیش کی ضمانت کی مخالفت کرنے والے درخواست گزاروں نے گواہوں کو ڈرانے دھمکانے اور شواہد سے چھیڑ چھاڑ کے اندیشے کے الزامات بھی لگائے تھے۔ کسی کو کوئی خطرہ نہیں ہے۔انہوں نے سپریم کورٹ کو بتایا تھا کہ ایس آئی ٹی نے گواہوں کو دھمکیاں ملنے کے خدشے کے پیش نظر آشیش کی ضمانت کے خلاف اپیل کی سفارش کی تھی، لیکن ریاستی حکومت نے تمام گواہوں کو پولس تحفظ فراہم کرنے کے دعویٰ کرنے والے ایس آئی ٹی کے نظریہ سے اتفاق نہیں کیا۔ضمانت کی مخالفت کرنے والے کچھ عرضی گزاروں کی طرف سے پیش ہونے والے سینئر وکیل دشینت دوے نے بینچ کے سامنے گواہوں کو دھمکیوں کے معاملے کو بھرپور طریقے سے اٹھایا۔ انہوں نے کہا کہ اتر پردیش میں بھارتیہ جنتا پارٹی کی اقتدار میں لوٹنے کا ذکر کرتے ہوئے ایک گواہ کو دھمکی دی گئی۔ بنچ کے سامنے مذکورہ گواہ کی شکایت پڑھتے ہوئے مسٹر دوے نے کہا، "اب بی جے پی اقتدار میں ہے، دیکھنا تیرا کیا حال کرتا ہوں ۔” انہوں نے سوال کیا کہ کیا ایسی دھمکیاں کوئی سنجیدہ معاملہ نہیں ہے۔کسانوں کے اہل خانہ کی جانب سے کچھ دن پہلے ایڈوکیٹ سی ایس پانڈا اور شیو کمار ترپاٹھی نے بھی ضمانت کے خلاف سپریم کورٹ میں خصوصی چھٹی کی درخواست دائر کی تھی۔ ان وکلاء کی درخواست پر سپریم کورٹ نے معاملے کی تحقیقات کے لیے پنجاب اور ہریانہ ہائی کورٹ کے ریٹائرڈ جج جسٹس راکیش کمار جین کی قیادت میں ایک ایس آئی ٹی تشکیل دی تھیمبینہ طورپر کار سے کچل کر چارہ کسانوں کی موت ہونے کے بعد بھڑکے تشدد میں دو بی جے پی کارکنوں کے علاوہ ایک اور کار ڈرائیور اور ایک صحافی اس تشدد میں مارے گئےتھے ۔کسانوں کی جانب سے دائر درخواست میں الزام لگایا گیا ہے کہ اتر پردیش میں اسی پارٹی کی حکومت ہے، جس کی حکومت میں ملزم آشیش کے والد مرکز میں وزیر مملکت ہیں۔ شاید اسی وجہ سے ریاستی حکومت نے ضمانت کے خلاف سپریم کورٹ میں عرضی داخل نہیں کی تھی۔مرکزی وزیر مملکت کے بیٹے آشیش کو دی گئی ضمانت کو چیلنج کرنے والی درخواستوں کا جواب دیتے ہوئے، اتر پردیش حکومت نے سپریم کورٹ میں ایک حلف نامہ داخل کیا تھا جس میں کہا گیا تھا کہ ان کے خلاف ضمانت کی مؤثر طریقے سے مخالفت نہ کرنے کے الزامات "مکمل طور پر جھوٹے ” ہیں۔ حکومت نے کہا تھا کہ آشیش کو ضمانت دینے کے ہائی کورٹ کے حکم کو چیلنج کرنے کا فیصلہ متعلقہ حکام کے سامنے زیر غور ہے۔گواہوں کو سیکورٹی فراہم کرنے کے سپریم کورٹ کے حکم پر، حکومت نے کہا تھا کہ وہ واقعہ سے متعلق 98 گواہوں کو سیکورٹی فراہم کر رہی ہے۔ ہر ایک کی حفاظت کی باقاعدگی سے نگرانی کی جاتی ہے۔ پولیس نے ان سے ٹیلی فون پر بات کی تھی۔ گواہوں نے 20 مارچ کو اپنی حفاظت پر اطمینان کا اظہار کیا تھا۔