صدر مرمو اور نائب صدر دھنکھڑ نے بدھ پورنیما کی مبارکباد دی

نئی دہلی، مئی۔ صدر جمہوریہ دروپدی مرمو اور نائب صدر جگدیپ دھنکھڑ نے جمعہ کو بدھ پورنیما کے موقع پر اہل وطن کو مبارکباد دی۔اپنی پرجوش خواہشات کا اظہار کرتے ہوئے، محترمہ مرمو نے ایک ٹویٹ میں کہا ’’بدھ پورنیما کے پرمسرت موقع پر، میں تمام ہم وطنوں اور پوری دنیا میں بھگوان بدھ کے ماننے والوں کو دل کی گہرائیوں سے مبارکباد اور نیک خواہشات پیش کرتی ہوں۔‘‘اپنے پیغام میں انہوں نے کہا ’’بدھ پورنیما کے پرمسرت موقع پر، میں ملک کے تمام عوام اور پوری دنیا میں بھگوان بدھ کے ماننے ولوں کو دلی مبارکباد اور نیک خواہشات پیش کرتی ہوں۔ ہمدردی کے مظہر بھگوان بدھ نے ہمیں خود شناسی، رواداری اور نیکی کے راستے پر چلنے کا پیغام دیا ہے۔ان کی سادہ اور موثر تعلیمات ہم سب کو محبت، سچائی اور عدم تشدد کے راستے پر چلنے کی ترغیب دیتی ہیں۔صدر جمہوریہ نے کہا کہ مہاتما بدھ کی زندگی ضبط نفس اور نظم و ضبط کی بہترین مثال ہے اور ان کی لازوال تعلیمات آج بھی بنی نوع انسان کی رہنمائی کرتی ہیں۔آئیے، اس پرمسرت موقع پر، ہم سب بھگوان بدھ کی تعلیمات کو ذہن، قول اور عمل سے اپنے طرز عمل میں اپنائیں اور ایک شاندار قوم کی تعمیر کا عہد نائب صدر جمہوریہ جگدیپ دھنکھڑ نے کہا ’’بدھ پورنیما پر دل کی گہرائیوں سے مبارکباد! یہ گوتم بدھ کی گہری تعلیمات پر غور کرنے کا دن ہے، جنہوں نے فکر اور عمل میں انسانیت کی رہنمائی کے لیے اپنی زندگی وقف کر دی۔انہوں نے کہا ’’اس پرمسرت موقع پر، آئیے ہم خود کو بھگوان بدھ کے دھم کے اصولوں کے لیے وقف کریں اور ہمدردی اور مہربانی کی خوبیوں کو اپنانے کی کوشش کریں۔‘‘کانگریس کے صدر ملکارجن کھڑگے نے بھی ٹویٹر پر کہا ’’بھگوان بدھا کی زندگی اور تعلیمات کی عالمگیر اہمیت ہے۔ سچائی، ہمدردی، عدم تشدد اور مساوات کے نظریات نے ہماری تہذیب پر گہرا اثر چھوڑا ہے۔مسٹر کھڑگے نے کہا ’’بدھ پورنیما پر ہماری دلی مبارکباد۔ سبھی ہم آہنگی، بھائی چارے اور نیکی سے بھرپور زندگی گزاریں۔‘‘