سپریم کورٹ نے سینٹرل وسٹا پروجیکٹ میں زمین کے استعمال میں تبدیلی کے چیلنج کو کیا خارج

نئی دہلی، نومبر ۔ سپریم کورٹ نے سینٹرل وسٹا پروجیکٹ کے تحت نائب صدر کی رہائشی اور دیگر عمارتوں کی مجوزہ تعمیر کے لیے زمین کے استعمال کے لیے ضروری قانونی تبدیلیوں کو چیلنج کرنے والی ایک رٹ پٹیشن کو منگل کے روز خارج کر دیا۔جسٹس اے۔ جسٹس ایم کھانولکر، جسٹس دنیش مہیشوری اور جسٹس سی ٹی روی کمار کی ڈویژن بنچ نے فریقین کے دلائل پر غور کرنے کے بعد عرضی خارج کر دی۔بنچ نے مرکزی حکومت کی اس دلیل سے اتفاق کیا کہ پروجیکٹ کے تحت زمین کے اس حصے کو نائب صدر کے رہائشی علاقے کے طور پر بنانے کی تجویز حکومت کا پالیسی فیصلہ ہے۔عدالت عظمیٰ نے درخواست گزار کے اس استدلال کو مسترد کر دیا کہ پروجیکٹ کے تحت زمین کا وہ حصہ ماضی میں تفریحی میدان کے طور پر دکھایا گیا تھا اس لیے اسے برقرار رکھا جائے۔وزیر اعظم نریندر مودی کے اس پروجیکٹ کے تحت پلاٹ نمبر ایک کے استعمال سے متعلق قانونی تبدیلی کو راجیو سوری نامی شخص نے چیلنج کیا تھا۔عدالت عظمیٰ نے قبل ازیں ہزاروں کروڑ کے اس پروجیکٹ سے متعلق ایک اور عرضی کو اس سے قبل خارج کیا جاچکا ہے ۔وزیر اعظم مودی کے پروجیکٹ کے تعمیراتی کام کواس سے قبل بھی سپریم کورٹ اور دہلی ہائی کورٹ کی منظوری ملی تھی۔