تلہن کی اضافی پیدوار پر زور دے گی حکومت :شاہی

دیوریا:اکتوبر۔اترپردیش کے وزیر زراعت سوریہ پرتاپ شاہی نے کہا کہ کسانوں کی آمدنی دوگنی کرنے کے لئے تمام ترقیاتی پروجکٹ چلارہی حکومت کا خصوصی دھیان تلہن کی اضافی پیدوار پر ہے۔مسٹر شاہی نے منگل کو یہاں میڈیا نمائندوں سے کہا کہ مرکزی حکومت کے ذریعہ ملک میں تلہن کی پیدوار کو بڑھانے کے لئے خصوصی پروگرام کے تحت انڈین فوڈ سیکورٹی مشن کے تحت کسانوں کو 7281کوئنتل بیج کا 2۔2کلو گرام کی منی کٹ مفت میں تقسیم کی جائے گی۔ اس کام پر تقریبا 473.29کروڑ روئے کا خرچ آئے گا۔انہوں نے کہا کہ حکومت کا خصوصی دھیان تلہن کے اضافی پیدوار پر ہے۔ اس پروگرام سے 5.82لاکھ کوئنٹل رائی۔سرسوں کا زیادہ پیداوار ہوسکے گی۔ ساتھ ہی کسانوںکو بھی 15000 روپئے فی ہیکٹر کا اضافی فائدہ ہوگا۔ انہوں نے کہا کہ سرسوں۔رائی کی پیداواربڑھانے کے لئے ریاست کے 70اضلاع میں نیشنل فوڈ سیکورٹی مشن کے تحت اس پروگرام کو نافذ کیا جائےگا۔اس کے تحت ریاست میں 2500کوئنٹل بیج کا 2۔2 کلو گرام کی 1.25لاکھ منی تک مفت میں تقسیم کی جائیں گی۔زرعی وزیر نے کہا کہ اس پروگرام کے تحت عام چھوٹے اور دمیانے کسانوں کو مستفید کیا جائےگا۔ بیج تقسیم کا پروگرام پہلے آو اور پہلے پاؤ کی بنیاد پر ہوگا۔اس پروگرام سے استفادے کے خواہش مند کسانوں کو کسان پاردشی پورٹل پر اپنا رجسٹریشن کرانا ہوگا۔وزیر زراعت نے کہا کہ اس اسکیم کے تحت 30فیصدی کسانوں و 33فیصدی چھوٹےودرمیان کسانوں کو بیج تقسیم کئے جانے کی کوشش کی جائے گی۔ ایس سی۔ایس ٹی سماج کے کسانوںکو اسکیم کے تحت زیادہ سے زیادہ تعداد میں مستفید کرنے کی کوشش ہے۔مسٹر شاہی نے کہا کہ بیج گرام اسکیم میں 1.20لاکھ کوئنٹل گیہوں کی بیج کسانوں کو دستیاب کرائی جائے گی جس سے کسانوں کی زرعی اخراجات میں کمی آئے گی اور ان کی آمدنی میں اضافہ ہوگا۔ حکومت پرائیویٹ ٹیو ب ویل کو بجلی سپلائی کے لئے اگست، ستمبر و اکتوبر مہینے کے لئے 375کروڑ کے بجٹ کو منظوری دی ہے۔