بی جے پی ممبر پارلیمنٹ ارجن سنگھ کے خلاف عدالت نے سمن جاری کیا

کلکتہ، دسمبر۔باراسات کی عدالت نے بی جے پی رکن پارلیمنٹ ارجن سنگھ کے خلاف سمن جاری کیاہے۔ جوڈیشل مجسٹریٹ نے ارجن سنگھ کو 14 فروری کو عدالت میں حاضر ہونے کی ہدایت دی ہے۔ جج نے کہا کہ اگر ارجن سنگھ اگلی سماعت پر پیش نہیں ہوئے تو ان کے خلاف گرفتاری کا وارنٹ جاری کیا جائے گا۔عدالتی ذرائع کے مطابق ارجن سنگھ کے خلاف شکایت کی گئی ہے کہ انہوں نے 2019 کے لوک سبھا انتخابات میں کمیشن کو حلف نامے میں غلط معلومات دی ہیں۔ الزام لگایا گیا ہے کہ اس نے اپنی بیوی اور جائیداد کے بارے میں غلط معلومات دی ہیں۔ حلف نامہ میں بی جے پی کے ممبر پارلیمنٹ نے بتایا ہے کہ ان کے پاس ایک بیوی ہے۔ لیکن درحقیقت ارجن سنگھ کی دو بیویاں ہیں۔ یہی نہیں ان کی دوسری بیوی سے ایک بیٹا بھی ہے۔اس کے علاوہ بی جے پی ایم پی نے حلف نامے میں جائیداد کے بارے میں معلومات نہیں دی ہیں۔ بنگلور کی ایک کمپنی میں ان کے دو لاکھ شیئرز ہیں۔ لیکن انہوں نے اپنے حلف نامے میں اس کا ذکر نہیں کیا ہے۔ ترنمول کانگریس کے ممبر اسمبلی سومناتھ شیام نے ارجن سنگھ کے خلاف باراسات کورٹ میں مقدمہ دائر کیا تھا۔ ممبر اسمبلی نے دعویٰ کیا کہ ارجن سنگھ کی دوسری بیوی کا نام سراونتی سنگھ اور ان کی دوسری بیوی کے بیٹے کا نام ابھیروپ سنگھ ہے۔ اس سلسلے میں جج نے پہلے بھی کئی بار ارجن سنگھ کو طلب کیا تھا۔ تاہم، بی جے پی ممبرپارلیمنٹ عدالت میں پیش نہیں ہوئے۔سماعت کے بعد عدالت نے ارجن کو 14 فروری کو دوبارہ پیش ہونے کا حکم دیا گیا ہے۔