اقبال پور فرقہ وارانہ تصادم:کلکتہ ہائی کورٹ نے ایس آئی ٹی تشکیل دینے کی ہدایت دی

کلکتہ اکتوبر۔کلکتہ ہائی کورٹ نے آج مغربی بنگال کے ڈائریکٹر جنرل آف پولیس (ڈی جی پی) اور کلکتہ پولیس کمشنر کو شہر کے اقبال پور علاقے میں دو طبقے کے درمیان حالیہ جھڑپوں کی تحقیقات کے لیے ایک خصوصی تحقیقاتی ٹیم (ایس آئی ٹی) تشکیل دینے کی ہدایت دی ہے۔ عدالت نے کہا کہ خطے میں مرکزی فورسیس کی تعیناتی کی ضرورت نہیں ہے کیونکہ ریاستی حکومت کی رپورٹ میں بتایا گیا ہے کہ حالات پرامن ہیں۔کلکتہ شہر کے جنوبی علاقے میں 8 اور 9 اکتوبر کی درمیانی شب دو طبقات کے درمیان ہونے والی جھڑپوں میں سات پولس اہلکار اور دو افراد زخمی ہوئے۔اس معاملے پر دو درخواستوں کی سماعت کرتے ہوئے، جسٹس جوئے مالیہ باگچی اور اپوربا سنہا رائے کی ڈویژن بنچ نے ڈی جی پی اور کمشنر کو شواہد اور ویڈیو فوٹیج کی جانچ کے لیے ایس آئی ٹی تشکیل دینے اور واقعے میں ملوث افراد کو پکڑنے کے لیے اقدامات کرنے کی ہدایت دی ہے۔عدالت نے ریاستی حکومت کو مزید ہدایت دی ہے کہ وہ ایس آئی ٹی کی تشکیل اور تحقیقات کی اگلی تاریخ یعنی دو ہفتے کے بعد رپورٹ پیش کرنے کی ہدایت دی ہے۔بنچ نے اس واقعہ پر مرکز کو رپورٹ بھیجنے پر ریاستی حکومت کی طرف سے پیش کی گئی تعمیل کا نوٹس لیا جیسا کہ NIA ایکٹ کے تحت لازمی ہے کیونکہ واقعہ کے دوران بم پھٹنے کی اطلاع ہے۔ریاستی حکومت کی طرف سے عدالت کے سامنے پیش کی گئی رپورٹ میں کہا گیا ہے کہ اس واقعہ کے سلسلے میں پولیس کی طرف سے درج پانچ ایف آئی آر میں سے تین دھماکہ خیز مادہ ایکٹ کے تحت کی گئی تھیں۔عدالت نے کہا کہ یہ مرکزی حکومت کو غور کرنا ہے کہ واقعہ کی سنگینی کو دیکھتے ہوئے، کیا جانچ این آئی اے کو سونپی جائے؟ عدالت نے ریاستی حکومت کو یہ بھی ہدایت دی کہ متاثرہ علاقے میں ہم آہنگی کو بحال کیا جائے۔دو طبقات کے درمیان تشدد کے بعد بی جے پی پورے واقعے کی جانچ این آئی اے کے حوالے کرنے کا مطالبہ کیا تھا۔