دروپدی مرمو مدھیہ پردیش پہنچی، جبل پور میں ان کا استقبال کیا گیا

جبل پور، نومبر۔ صدر جمہوریہ دروپدی مرمو مدھیہ پردیش کے دو روزہ دورے کے ایک حصے کے طور پر آج فوج کے ایک خصوصی طیارے سے جبل پور پہنچی، جہاں گورنر منگو بھائی پٹیل، وزیر اعلی شیوراج سنگھ چوہان، مرکزی وزراء اور سینئر حکام نے ان کا استقبال کیا۔ جبل پور ہوائی اڈے پر ایک باوقار اور رسمی استقبال کے بعد، صدرجمہوریہ محترمہ مرمو جلد ہی فوج کے ایک خصوصی ہیلی کاپٹر میں سوار ہوئیں اور تقریباً 12.40 بجے شہڈول کے لیے روانہ ہوئیں۔ گورنر، وزیر اعلیٰ اور مرکزی وزیر بھی ان کے ساتھ شہڈول کے لیے روانہ ہوئے۔صدر جمہوریہ شہڈول میں قبائلی جننائک برسا منڈا کے یوم پیدائش کے موقع پر منعقدہ ریاستی سطح کے قبائلی فخر ڈے پروگرام میں شرکت کریں گے۔ یہ پروگرام دوپہر 2 بجے تجویز کیا گیا تھا۔ شہڈول میں روایتی انداز میں ان کے استقبال کی تیاریاں ہو رہی ہیں۔ صدر کا عہدہ سنبھالنے کے بعد محترمہ مرمو کا مدھیہ پردیش کا یہ پہلا دورہ ہے۔محترمہ مرمو شہڈول میں پروگرام میں شرکت کے بعد جبل پور واپس آئیں گی اور خصوصی طیارے سے روانہ ہوں گی اور شام 5 بجے کے قریب بھوپال پہنچیں گی۔ بھوپال راج بھون میں صدر جمہوریہ کا شاندار اور روایتی انداز میں استقبال کیا جائے گا۔صدرجمہوریہ دیر شام ہی راج بھون سے ورچوئل انداز میں بھوپال کے آس پاس کی سڑکوں سے متعلق اسکیموں کا سنگ بنیاد رکھیں گے۔ راج بھون میں رات گزارنے کے بعد وہ کل صبح یہاں خواتین کے سیلف ہیلپ گروپ کے پروگرام میں شرکت کریں گی اور پھر دہلی واپس آئیں گی۔