گھانا نے لسا بخار کے وبا کے خاتمے کا اعلان کیا

اکرا، مئی۔مغربی افریقی ملک گھانا نے لسا بخار کے وبا کے خاتمے کا اعلان کیا ہے۔گھانا ہیلتھ سروس (جی ایچ ایس) نے ایک بیان میں کہا کہ گھانا نیورلڈ ہیلتھ آرگنائزیشن (ڈبلیو ایچ او) کی منظوری پر لسا بخار کے وبا کے خاتمے کا اعلان کر دیا ہے۔ لسا بخار کے مریض کو 42 دن تک نگرانی میں رکھنا لازمی ہے۔بیان میں کہا گیا ہے کہ لسا بخار کا آخری تصدیق شدہ معاملہ اس سال 10 مارچ کوچھٹی دے دی گئی تھی۔ اس مریض کے 42 دنوں کی زیادہ سے زیادہ نگرانی کی مدت گزر چکی تھی۔جی ایچ ایس نے کہا کہ گھانا نے ڈبلیو ایچ او کی سفارشات کے مطابق لسا بخار کے لیے تمام مناسب کاروائی کو لاگو کیا ہے اور وہ دوبارہ ہونے یا مستقبل میں پھیلنے سے بچنے کے لیے تمام ضروری اقدامات کرے گا۔جی ایچ ایس نے کہا کہ وباء کے بعد ردعمل کی سرگرمیوں کو مربوط کرنے اور سمت فراہم کرنے کے لیے نیشنل پبلک ہیلتھ ایمرجنسی آپریشنز سنٹر کو اسفعال کیا گیا تھا۔جی ایچ ایس نے لسا بخار کے پھیلنے کے دوبارہ ہونے سے بچنے کے لئے جنگلات کمیشن کے وائلڈ لائف ڈویژن کے ساتھ مل کر کام جاری رکھنے کا وعدہ کیا۔غورطلب ہے کہ گھانا میں لسا بخار کے 27 مثبت معاملے درج ہوئے ہیں۔ ان میں سے ایک مریض کی موت ہو گئی جبکہ 26 دیگر صحت یاب ہو گئے۔