کامن ویلتھ گیمز 2026 میں شوٹنگ کی واپسی، ریسلنگ باہر

لندن، اکتوبر۔کامن ویلتھ گیمز فیڈریشن (سی جی ایف) نے بدھ کو وکٹوریہ 2026 دولت مشترکہ کھیلوں کے شیڈول کا اعلان کیا جس میں شوٹنگ نے واپسی کی ہے جبکہ کشتی کو باہر رکھا گیا ہے۔سی جی ایف، آسٹریلیا کی اینڈریو سرکار اور کامن ویلتھ گیمز آسٹریلیا نے اطلاع دی کہ کوسٹل روئنگ، گولف اور بی ایم ایکس وکٹوریہ میں اپنے کامن ویلتھ گیمز سے ڈیبیو کریں گے۔ کامن ویلتھ گیمز 2026 میں 20 کھیل اور 26 ڈسپلن ہوں گے جن میں نو پیرا سپورٹس بھی شامل ہیں۔کامن ویلتھ گیمز فیڈریشن کے صدر ڈیم لوئس مارٹن نے کہا: "ہم 2026 کے کامن ویلتھ گیمز کے لیے کھیلوں کے شیڈول کی تصدیق کرتے ہوئے بہت پرجوش ہیں۔ انہوں نے کہا، “کھیل مسابقتی اور ایڈونچر سے بھرپور ہونے جا رہے ہیں۔ انہوں نے کہا، "یہ پروگرام سی جی ایف کے 2026-30 کے اسٹریٹجک روڈ میپ کا حصہ ہے، جو میزبانوں کو نئے کھیلوں کی تجویز کے لیے زیادہ لچک فراہم کرتا ہے۔