چڑیا گھر سے فرار چیمپینزی کے زوو کیپر کیساتھ مذاکرات طے پا گئے

خارکیو،ستمبر۔یوکرین کے چڑیا گھر سے فرار ہونے والے چمپینزی کے زوو کیپر سے مذاکرات طے پانے کے بعد سائیکل پر بیٹھ کر دوبارہ چڑیا گھر آنیکی ویڈیو سوشل میڈیا پر وائرل ہور ہی ہے۔تفصیلات کے مطابق سوشل میڈیا پرایک ویڈیو وائرل ہو رہی ہے جس میں دیکھا جا سکتا ہے کہ ایک چیمپینزی شہر کی گلیوں میں گھوم رہا اور پھر ایک پارک میں چلا جاتا ہے ،اور پھر ایک خاتون کو اس چیمپنزی کے ہمراہ بیٹھ کر گفتگو کرتے ہوئے دیکھا گیا جو کہ اس چڑیا گھر کی جانوروں کی دیکھ بھال کرنے والی تھی ، زوو کیپر خاتون نے چیمپئنزی کے ساتھ مذاکرات کیے اور پھر کچھ ہی دیر بعد بارش شروع ہو گئی جس پر چیمپنزی بھاگ کر خاتون کے پاس آگیا جس پر خاتون نے اسے اپنا رینی کوٹ دیا اور پھر سائیکل پر بیٹھا کر دوبارہ چڑیا گھر لے آئی۔اطلاعات کے مطابق یہ دلچسپ واقعہ یوکرین کے شہر خارکیو میں پیش آیا، غیر ملکی میڈیا رپورٹس کے مطابق چمپینزی کی عمر 10 ماہ بتائی جارہی ہے اور اس کا نام چی چی ہے۔