چڑھاوا چوری پر وزیر اعظم کی خاموشی ناقابلِ قبول: راہل گاندھی

نئی دہلی، 19 جولائی۔ کانگریس کے سابق صدر اور لوک سبھا میں قائدِ حزبِ اختلاف راہل گاندھی نے وزیر اعظم نریندر مودی سے شری رام مندر میں عقیدت مندوں کی جانب سے دیے گئے چڑھاوے میں چوری کے معاملے کی فوری طور پر آزادانہ انکوائری کرانے، پورا حساب کتاب عام کرنے اور قصورواروں کے خلاف قانونی کارروائی کرنے کا مطالبہ کیا ہے۔
مسٹر گاندھی نے اتوار کو سوشل میڈیا ‘ایکس پر کہا کہ شری رام مندر میں کروڑوں عقیدت مندوں نے اپنی عقیدت کے ساتھ اپنی کمائی پیش کی، لیکن وہاں ہونے والی ‘چندہ چوری اب کسی سے چھپی نہیں ہے۔ ٹرسٹ کے ہر رکن کا انتخاب مرکزی حکومت نے کیا تھا، اس لیے اس معاملے پر وزیر اعظم کی خاموشی ناقابلِ قبول ہے۔انہوں نے مسٹر مودی سے اپیل کی کہ اس معاملے کی فوری آزادانہ تحقیقات کرائی جائیں، ٹرسٹ کا پورا حساب کتاب پبلک کیا جائے اور قصورواروں کو قانون کے کٹہرے میں لایا جائے۔ مسٹر گاندھی نے کہا کہ حکومت کی ساکھ اب اس کی کارروائی پر منحصر ہے۔