پاکستان حقائق کو توڑ مروڑ کر پیش کر رہا ہے: جیسوال

نئی دہلی، بھارت نے پاکستان پر حقائق کو غلط انداز میں پیش کرنے اور جھوٹے دعووں کے ذریعے دُوپروپیگنڈہ کرنے کا الزام عائد کرتے ہوئے کہا ہے کہ پاکستانی وزرا جس مبینہ فیصلے کا حوالہ دے رہے ہیں، وہ مستقل ثالثی عدالت (پی سی اے) کا فیصلہ نہیں بلکہ ایک ’’غیر قانونی طور پر تشکیل دیے گئے ٹریبونل‘‘ کا فیصلہ ہے۔
وزارت خارجہ کے ترجمان رندھیر جیسوال نے منگل کو ہفتہ وار میڈیا بریفنگ کے دوران پاکستان کے دعوے پر ردعمل دیتے ہوئے کہا کہ پاکستان کا حقائق کو غلط انداز میں پیش کرنے اور اپنے ’’بدنیتی پر مبنی پروپیگنڈے‘‘ کے لیے جھوٹ پھیلانے کا ایک ریکارڈ رہا ہے۔انہوں نے کہا، ’’سب سے پہلے، جس مبینہ فیصلے کو پاکستان کے وزرا مستقل ثالثی عدالت کا فیصلہ بتا کر پیش کر رہے ہیں، وہ ایسا نہیں ہے۔ یہ ایک غیر قانونی طور پر تشکیل دیے گئے ٹریبونل کا فیصلہ ہے۔‘‘
جیسوال نے کہا کہ بھارت اسے پاکستان کی جانب سے حقیقت کو مسخ کرنے کی ایک اور کوشش کے طور پر یکھتا ہے۔ انہوں نے کہا کہ اس معاملے پر بھارت کا موقف ’’بالکل واضح‘‘ ہے اور وہ اسے کئی مرتبہ دہرا چکا ہے۔