نڈا نے اپولو اسپتال جا کر ڈاکٹروں سے اڈوانی کی صحت کے بارے میں معلومات حاصل کیں

نئی دہلی، 17 اکتوبر  مرکزی وزیرِ صحت و خاندانی بہبود جے پی نڈا نے ہفتے کے روز اپولو اسپتال جا کر بھارتیہ جنتا پارٹی (بی جے پی) کے سینئر رہنما لال کرشن اڈوانی کی مزاج پرسی کی اور ڈاکٹروں سے ان کی صحت کے بارے میں معلومات حاصل کیں۔

ذرائع نے بتایا کہ مسٹر نڈا نے صبح اسپتال پہنچ کر ڈاکٹروں سے ملاقات کی اور مسٹر اڈوانی کی صحت اور علاج سے متعلق تفصیلات دریافت کیں۔ مسٹر اڈوانی (98) کو سینے میں انفیکشن کی شکایت کے بعد جمعہ کی شام تقریباً 7:30 بجے یہاں کے اپولو اسپتال میں داخل کرایا گیا تھا۔ انہیں پھیپھڑوں سے متعلق شعبے میں داخل کیا گیا ہے۔ اندرپرستھ اپولو اسپتال کے مطابق فی الحال وہ کے وہ انتہائی نگہداشت یونٹ (آئی سی یو) میں ہیں اور نیورولوجی کے سینئر ڈائریکٹر ڈاکٹر ونیت سوری کی زیرِ نگرانی ان کا علاج جاری ہے۔ مسٹر اڈوانی کی حالت مستحکم ہے اور ڈاکٹر ان کی صحت پر مسلسل نظر رکھے ہوئے ہیں۔

اس سے قبل اس سال مئی میں بھی مسٹر اڈوانی کو عمر سے جڑے صحت کے مسائل کی وجہ سے اپولو اسپتال میں داخل کرایا گیا تھا۔ وہ چند دنوں تک اسپتال میں رہے اور پھر انہیں ڈسچارج کر دیا گیا تھا۔ دسمبر 2024 میں بھی مسٹر اڈوانی کو طبی معائنہ اور علاج کے لیے اندرپرستھ اپولو اسپتال کے آئی سی یو میں داخل کرایا گیا تھا۔