نندنی نے سیمی فائنل میں پہنچ کر تمغہ یقینی بنایا

صوفیہ، فروری۔نوجوان باکسر نندنی نے 73 ویں اسٹرینڈزا میموریل باکسنگ ٹورنامنٹ میں سیمی فائنل میں داخل ہو کر ہندوستان کا پہلا تمغہ یقینی بنا لیا ہے۔ نندنی نے بدھ کو یہاں خواتین کے 81 کلوگرام سے زیادہ کے زمرے کے کوارٹر فائنل مقابلے میں قزاخستان کی والیریا اکسینوا کے خلاف آسان جیت درج کی۔ نندنی نے شروع سے ہی ویلیریا پر غلبہ حاصل کیا۔ ان کے طاقتور پنچوں نے ویلریا کے سامنے تیسرے راؤنڈ میں زبردست چیلنج پیش کیا۔ نتیجے کے طور پر نندنی کو فاتح قرار دیا گیا۔ دفاعی قومی چیمپئن نندنی نے اب ٹورنامنٹ کے سیمی فائنل میں داخل ہو کر ہندوستان کے لیے کم از کم کانسی کا تمغہ حاصل کر لیا ہے جہاں وہ قزاخستان کی ایک اور باکسر، سابق عالمی چیمپئن اور 2021 ایشین چیمپئن شپ کی طلائی تمغہ جیتنے والی لجت کنگی بائیووا سے مقابلہ کریں گی۔ دریں اثنا، دفاعی یوتھ ورلڈ چیمپئنز اروندھتی چودھری اور پروین نے بھی منگل کی رات دیر گئے اپنے اپنے ابتدائی راؤنڈ میچوں میں 5-0 کی شاندار فتوحات کے ساتھ کوارٹر فائنل میں جگہ بنالی۔ انامیکا (50 کلوگرام) یورپ کے قدیم ترین بین الاقوامی باکسنگ ٹورنامنٹ کے چوتھے دن جمعرات کو تمغہ جیتنے کے مقابلہ کریں گی جبکہ سمت (75 کلوگرام) دوسرے راؤنڈ میں مقابلہ کرتے نظر آئیں گے۔