ملکہ کا 22 ملین پونڈ سے تعمیر نئے میڈن ہیڈ ہاسپیس سینٹر کے باقاعدہ افتتاح کیلئے اچانک دورہ

لندن ،جولائی۔ ملکہ نے نئے میڈن ہیڈ ہاسپیس سینٹر کے باقاعدہ افتتاح کیلیے اچانک دورہ کیا۔ رپورٹ کے مطابق ملکہ نے ٹیمز ہاسپیس کے دورہ میں عملے، رضاکاروں اور ایک مریض سے ملنے کے لیے ونڈسر کیسل میں اپنے گھر سے میڈن ہیڈ تک کا سفر کیا۔ہاسپیس ایسٹ برک شائر اور ساؤتھ بکنگھم شائر کے لوگوں کو فالج اور زندگی کے آخری دنوں میں علاج ، دیکھ بھال اور مدد فراہم کرتی ہے۔ اس کی خدمات ان لوگوں کیلئے مفت ہیں جنہیں دیکھ بھال کی ضرورت ہے۔اس سینٹر کو چلانے کے لئے 13 ملین پونڈز سالانہ اخراجات کا 50فیصدسے زیادہ خیراتی امداد سے آتا ہے۔ملکہ نے 22 ملین پونڈز کے اخراجات سے تعمیر ہونے والے اس مرکز کا دورہ کیا جس میں 28داخل مریضوں کے نجی کمرے ہیں – اس دورہ کو سرکاری مصروفیت کے طور پر درج نہیں کیا گیا تھا۔ یہاں ملکہ کا تعارف گراہم وائٹ اور اس کی اہلیہ پیٹ سے ہوا، جنہیں چوتھے مرحلہ کا کینسر ہے اور مرکز میں ان کی کی دیکھ بھال کی جا رہی ہے۔ سینڈہرسٹ، برکشائر سے تعلق رکھنے والی مسز وائٹ نے ملکہ کے ساتھ بات چیت کی اور اس ملاقات کو ’’بہت جذباتی‘‘ قرار دیتے ہوئے مزید کہا کہ یہ ایک یادداشت ہے جسے میں اپنی بقیہ زندگی میں محفوظ رکھوں گی۔ لوگ سمجھتے ہیں کہ ملکہ کا بظاہر مزاج سخت ہے لیکن ان میں مزاح کا احساس ہے۔ ٹیمز ہاسپیس کی سابق ونڈسر سائٹ کا افتتاح ملکہ نے 1987میں کیا تھا اور ماضی میں آنے والوں میں ڈیانا، ویلز کی شہزادی، اور سوفی، ویسیکس کی کاؤنٹیس شامل تھیں۔ منگل کو، ملکہ نے ونڈسر میں منعقدہ ایک تقریب کے دوران ادارے کو جارج کراس سے نواز کر کئی دہائیوں میں این ایچ ایس کی کامیابیوں کا جشن منایا۔96سالہ سربراہ مملکت اس تقریب میں پرنس آف ویلز کے ساتھ شامل ہوئی تھیں، جہاں چار ملکی ممالک کے صحت کے رہنماؤں کو تمغہ سے نوازا گیا تھا۔