مراکشی فٹبالر اشرف حکیمی عرب دنیا کا بہترین ایتھلیٹ قرار

مراکش،جنوری۔ مراکش سے تعلق رکھنے والے اسٹار فٹبال اسٹرائیکر اشرف حکیمی کو عرب کا بہترین ایتھلیٹ قرار دے دیا گیا۔غیر ملکی خبر رساں ایجنسی کی رپورٹ کے مطابق فیفا ورلڈکپ کے گروپ میچز میں بلجیم کیخلاف فتح دلوانے کے بعد عالمی منظر نامے پر ابھرتے ہوئے مراکش کے فٹبالر اشرف حکیمی نے اپنی والدہ کے ہمراہ اعزاز حاصل کیا۔اشرف حکیمی ریاض میں جوائے ایوارڈز 2022کیلئے عرب کے ٹاپ ایتھلیٹ نامزد ہوئے۔ یہ عرب دنیا میں ایوارڈز کی سب سے بڑی تقریب تھی جہاں مختلف شعبوں سے تعلق رکھنے والی اسپورٹس کی شخصیات کو ایوارڈز پیش کئے گئے۔ایوارڈ لیتے ہوئے اشرف حکیمی نے کہا کہ میں اپنے خاص ملک میں والدہ کے ہمراہ آکر بہت خوش ہوں، اپنے ملک سمیت سب کا شکریہ ادا کرتا ہوں جنہوں نے اتنی عزت دی۔قطر میں کھیلے گئے فیفا ورلڈکپ میں مراکش کی ٹیم نے جارحانہ کھیل کا مظاہرہ کیا براعظم سے پہلی اور ٹورنامنٹ کی تاریخ میں سیمی فائنل کھیلنے والی پہلی مسلم ٹیم بنی تھی۔واضح رہے کہ فیفا ورلڈکپ 2022میں مراکش نے پرتگال، اسپین اور بلجیم جیسی بڑی ٹیموں کو شکست دیکر ایونٹ سے باہر کیا۔