فی الحال غیر ملکیوں کیلئے ویلیو ایڈڈ ٹیکس یا فیس میں کوئی تبدیلی نہیں کی گئی

ریاض،دسمبر۔ سعودی وزیر خزانہ محمد الجدعان نے العربیہ چینل کو انٹرویو دیتے ہوئے اس بات کی تصدیق کی ہے کہ فی الحال غیر ملکی کارکنوں کے لیے ویلیو ایڈڈ ٹیکس یا فیس میں کوئی تبدیلی نہیں کی گئی ہے۔الجدعان نے مزید کہا کہ بجٹ پر تیل کی قیمتوں میں اتار چڑھاؤ کے اثرات میں کمی واقع ہوئی ہے اور 2022 کے سرپلس کی تقسیم مالی سال کے اختتام کے بعد ہوگی۔الجدعان نے کہا کہ اس سال کے فاضل کا کوئی حصہ قرض کی ادائیگی کے لیے استعمال نہیں کیا جائے گا اور پبلک انویسٹمنٹ فنڈ کے پاس کافی لیکویڈیٹی اور اثاثے ہیں۔ اور ساما کے ذخائر میں 2022 میں تقریباً 50 بلین ریال کا اضافہ ہوا ہے۔منصوبوں پر اخراجات کے حوالے سے الجدعان نے کہا کہ ہم نے 2022 میں بڑے منصوبوں پر تقریباً 30 ارب ریال خرچ کیے اور ہم 2023 اور 2024 میں بڑے منصوبوں پر اتنی ہی رقم خرچ کرتے رہیں گے۔الجدعان نے نشاندہی کی کہ پرائیویٹ سیکٹر پر ٹیکس کا بوجھ 16.8 فیصد ہے جو عالمی سطح پر تجویز کردہ شرح سے کم ہے۔ نجی شعبے پر ٹیکس کے بوجھ کا جائزہ لینے کی ہدایت نہیں کی گئی حالانکہ اس کا وقتاً فوقتاً مطالعہ کیا جاتا ہے۔الجدعان نے واضح کیا کہ معیشت کے عوامی قرضوں کی شرح گروپ ٹوئنٹی کی اوسط سے بہت کم ہے۔