سمانتھا رتھ کی جِلدی بیماری میں مبتلا ہونے کی خبر غلط ہیں، منیجر کی وضاحت

چنئی،ستمبر۔جنوبی بھارت کی تیلگو اور تامل فلموں کی معروف اداکارہ سمانتھا رتھ پرابھو کے منیجر نے ان اطلاعات کو غلط قرار دیا ہے جس میں کہا گیا تھا کہ اداکارہ کو جلد کی کوئی بہت ہی شاذ و نادر (بہت ہی کم لاحق ہونے والی) بیماری ہوگئی ہے۔ان کا کہنا ہے کہ یہ افواہیں اس وقت آنا شروع ہوئیں جب سمانتھا امریکا کے دورے کی تیاری کررہی تھیں۔ واضح رہے کہ تلگو فلموں کی انتہائی مشہور و معروف اداکارہ گزشتہ برس اپنے سابق شوہر ناگا چیتانیا سے طلاق کے بعد سے کافی خبروں میں رہیں، اب ان کے بارے میں یہ اطلاع ہے کہ انہیں جلد کی کوئی نایاب بیماری ہوگئی ہے اور دعویٰ کیا جارہے کہ وہ اسی کے علاج کے لیے امریکا گئی ہیں۔تاہم سمانتھا کے منیجر مہندرا نے میڈیا سے گفتگو کرتے ہوئے کہا کہ یہ اطلاعات بالکل غلط ہیں، وہ بالکل تندرست ہیں، یہ رپورٹس دراصل گپ شپ سے زیادہ کچھ نہیں، تاہم وہ سمانتھا کے امریکا جانے کے بارے میں کوئی کمنٹ نہ کرسکے۔