سابق انگلش کپتان نے بابر رضوان کی اوپننگ جوڑی توڑنے کی تجویز دیدی

لندن،ستمبر۔انگلینڈ کے سابق کپتان ناصر حسین نے پاکستانی ٹیم کے کپتان بابر اعظم اور وکٹ کیپر بیٹر محمد رضوان کی اوپننگ جوڑی بیٹر شان مسعود کے ساتھ بنائی جانے کی تجویز دی ہے۔کرکٹ ویب سائٹ کے مطابق کئی ریکارڈ توڑنے اور ڈومیسٹک لیگ میں بہترین کارکردگی کے بعد لیفٹ ہینڈ بیٹر کی پاکستانی ٹیم میں واپسی ہوئی ہے لیکن اس کے باوجود شان کو چوتھے نمبر پر رکھتے ہوئے بابر اور رضوان سے اوپننگ کروائی گئی۔کاؤنٹی چیمپئن شپ اور ڈربی شائر کے دوران شان مسعود کو جانچنے والے ناصر حسین کا کہنا تھا کہ شان مسعود ایک فنشر نہیں بلکہ وہ ایک اوپننگ بلے باز ہے، شان مسعود کو نمبر 4 پر بیٹنگ کے لیے بھیجاگیا جس کی میرے نزدیک کوئی منطق نہیں کیونکہ اس وقت صرف 5 اوور باقی تھے۔