ریاض انٹرنیشنل بک فیئر ایوارڈ کا آغاز،مالیت تین لاکھ ریال

ریاض،اکتوبر۔سعودی عرب میں لٹریچر، پبلشنگ اینڈ ٹرانسلیشن اتھارٹی نے ریاض انٹرنیشنل بک فیئر 2022 ایوارڈ کا آغاز کیا ہے جس کی کل مالیت تین لاکھ ریال ہے۔سعودی عرب کے دارالحکومت ریاض میں 29 ستمبر سیجاری ریاض کتاب میلہ 8 اکتوبر تک جاری رہے گا۔ اس کتاب میلے اور نمائش میں درجنوں غیرملکی اشاعتی ادارے بھی حصہ لے رہے ہیں۔کل انعامات کی رقم 300,000 ریال ہے۔ ایوارڈ کوایک سے زائد زمروں [کیٹی گریز] میں تقسیم کیا گیا ہے، جس میں بہترین کتاب کی اشاعت پر 50,000 ریال کا انعام دیا جائیگا۔ بچوں کے لیے عمدہ لٹریچر کی تیاری پر 50,000 ریال مالیت کا انعام دیا جائے گا۔بہترین ترجمہ پر50 ہزار ریال، ڈیجیٹل پلیٹ فارمز کے لیے ڈیجیٹل پبلشنگ میں عمدہ کے لٹریچر پرپچاس ہزار ریال،بہترین سعودی مواد پر پچاس ہزار ریال اور قارئین کا انتخاب ایوارڈ 50,000 ریال مالیت کا ہوگا۔ فاتحین کا اعلان 8 اکتوبرکو ایک اعزازی تقریب میں کیا جائے گا۔اتھارٹی نے عوام اور قارئین کو ووٹنگ کے ذریعے ریڈرز چوائس ایوارڈ کے فاتح کے انتخاب میں حصہ لینے کا موقع بھی فراہم کیا جو کہ 4 اکتوبر سے ریاض انٹرنیشنل بک فیئر کی درخواست کے ذریعے درج ذیل لنکس کے ذریعے شروع ہو رہا ہے:
IOS: https://apps.apple.com/us/app/riyadh-book-fair/id1644448441
اینڈرائیڈhttps://play.google.com/store/apps/details?id=com.imaxem.riyadhbookfair
ایوارڈ کا مقصد پبلشنگ سیکٹر میں جدت طرازی کی حوصلہ افزائی کرنا اور نئی ٹیکنالوجیز کے ساتھ طباعت واشاعت کی رفتار کو برقرار رکھنا ہے تاکہ پبلی کیشنز کی اشاعتوں کے تمام اہداف تک اختراعی اور پائیدار طریقوں سے پہنچ سکیں۔ ایوارڈ کے ذریعے اتھارٹی کتاب کے نقشے میں نمائش کو ایک سنگ میل بنانے کی کوشش کرتی ہے۔یہ بات قابل غور ہے کہ ریاض انٹرنیشنل بک فیئر 2022 کا آغاز کلچر کلاسز کے نعرے کے تحت کیا گیا ہے جہاں یہ 10 دنوں پر مشتمل ایک جامع ثقافتی پروگرام پیش کرے گا جس میں تخلیقی صلاحیتوں کے تمام پہلوؤں کا احاطہ کیا جائے گا۔