رضوان کا کرائسٹ چرچ کی مسجد میں بیان، افتخار احمد بھی شریک

کرائسٹ چرچ،اکتوبر۔پاکستان کے وکٹ کیپر بیٹر محمد رضوان نے نیوزی لینڈ کے شہر کرائسٹ چرچ کی مسجد میں بیان دیا ہے۔سوشل میڈیا پر زیر گردش ویڈیو میں دیکھا جاسکتا ہے کہ رضوان اور مڈل آرڈر بیٹر افتخار احمد مسجد پہنچے تو کئی مداحوں نے دونوں کے ساتھ سیلفیاں بنوائیں۔اس کے علاوہ رضوان نے اللہ پاک پر مکمل یقین کے حوالے سے مسجد میں بیان بھی دیا جس کی ویڈیوز سوشل میڈیا پر مقبول ہو رہی ہیں۔واضح رہے کہ پاکستان کرکٹ ٹیم آج مکمل آرام کرے گی جبکہ اسکواڈ کل کرائسٹ چرچ میں ٹریننگ سیشن کرے گا۔پاکستانی ٹیم سہ فریقی سیریز میں اگلا میچ منگل کو نیوزی لینڈ کے خلاف کھیلے گی۔خیال رہے کہ پاکستانی کرکٹ ٹیم ایونٹ کے ابتدائی دونوں میچز جیت چکی ہے، گرین شرٹس نے پہلے میچ میں بنگلا دیش اور دوسرے میچ میں نیوزی لینڈ کو شکست دی تھی۔