دنیا بھر سے ملنے والی حمایت پر بہت مشکور ہیں، شہنشاہ چارلس

لندن/ لوٹن ،ستمبر۔ شہنشاہ چارلس نے کہا ہے کہ دنیا بھر سے ملنے والی حمایت پر بہت متاثر ہیں۔ وہ اور ملکہ کنسورٹ ملکہ کیملا ہر اس شخص کی طرف سے ملنے والی سپورٹ پر مشکور ہیں کہ جنہوں نے ان سے تعزیت کا اظہار کیا۔ بکنگھم پیلس کی طرف سے جاری کردہ ایک تحریری پیغام میں بادشاہ نے کہا کہ پچھلے10دنوں میں وہ اور ان کی اہلیہ کو اس ملک اور دنیا بھر سے ملنے والے تعزیت اور حمایت کے بہت سے پیغامات نے بہت متاثر کیا ہے۔ لندن، ایڈنبرا، ہلزبرو اور کارڈف میں ہم ہر اس شخص کی طرف سے بڑھ چڑھ سے کر پیغامات بھیجے گئے اور جنہوں نے ان کی پیاری والدہ مرحومہ ملکہ کی تاحیات خدمات کو خراج تحسین پیش کرنے کے لیے آکر پریشانی کا سامنا کیا جیسا کہ ہم سب اپنی آخری الوداعی کہنے کے لیے تیار ہیں۔قبل ازیں شہنشاہ چارلس نے جنازے میں شرکت کرنے والے سربراہان مملکت کے لیے اتوار کی شام بکنگھم پیلس میں استقبالیہ کا اہتمام کیا۔دریں اثنابکنگھم پیلس کی جانب سے ملکہ کی آخری رسومات کے موقع پر ملکہ کی ایک ان دیکھی تصویر بھی جاری کی گئی ہے۔ مئی میں پلاٹینم جوبلی کی تقریبات سے پہلے رینالڈ میکیچنی کی لی گئی تصویر میں ملکہ کو اپنے ونڈسر کیسل کے گھر میں کیمرے پر چمکتے ہوئے دکھایا گیا ہے۔ انہوں نے نیلے رنگ کا لباس پہنا ہوا ہے۔ ان کا پسندیدہ تھری اسٹرینڈ موتیوں کا ہار، موتیوں کی بالیاں اور اس کے ایکوامارائن اور ہیرے کے بروچز – 1944 میں اپنے والد جارج VI کی طرف سے 18 ویں سالگرہ کا تحفہ جو اس نے 2020 میں VE ڈے کی 75 ویں سالگرہ پر بھی پہنا تھا۔