جب تک مووی مافیا ہے بولی وڈ ترقی نہیں کرسکتا، کنگنا رناوت

ممبئی،فروری۔متنازع بیانات کی وجہ سے خبروں میں رہنے والی کنگنا رناوت نیعالیہ بھٹ کی نئی فلم گنگوبائی کاٹھیا واڑی کوناکام فلم قراردیتے ہوئے فلم ڈائرکٹرسنجے لیلابھنسالی کوبھی آڑے ہاتھوں لے لیا۔کنگنا رناوت نے سوشل میڈیا پرعالیہ بھٹ کی نئی فلم گنگوبائی کاٹھیاواڑی کوناکام فلم قراردے دیا۔ کنگنا کاکہنا تھا کہ گنگوبائی کاٹھیا واڑی کی شکل میں 200کروڑ روپے باکس آفس پرجل کرراکھ ہوں گے۔کنگنا نے بغیرنام لئے عالیہ بھٹ کے والد مہیش بھٹ پرطنز کرتے ہوئے کہا کہ یہ فلم اس لئے بنائی گئی کیونکہ پاپا یعنی مووی مافیا ڈیڈی چاہتے تھے کہ ان کی پری جوبرطانوی پاسپورٹ رکھتی ہے یہ دکھائے کہ وہ اداکاری بھی کرسکتی ہے۔غلط کاسٹنگ بڑا مسئلہ ہے۔کنگنا نے مزید کہا کہ یہ نہیں سدھریں گے۔جب تک مووی مافیا طاقتورہے بالی وڈ ہمیشہ پیچھے ہی رہے گا اورزیادہ تراسکرینز پرہالی وڈ اورساؤتھ کی فلمیں دکھائی جاتی رہیں گی۔