بالی ووڈ کنگ کو میرا گانا ’لنگی ڈانس‘ پسند نہیں تھا، ہنی سنگھ کا انکشاف

ممبئی،اپریل۔2013 کی مشہور زمانہ بالی ووڈ فلم ’چنائے ایکسپریس‘ میں فلمایا گیا مقبول ڈانس نمبر ریپ سانگ ’لنگی ڈانس‘ شاہ رخ خان کو ابتداً پسند نہیں تھا۔میڈیا رپورٹس کے مطابق معروف ریپر ہنی سنگھ نے انکشاف کیا ہے کہ بالی ووڈ کنگ شاہ رخ خان نے مشہور گانے ’لنگی ڈانس‘ کی منظوری کیلئے تین ہفتے لیے جس کے بعد یہ گانا فلم کا سپر ہٹ گانا ثابت ہوا۔خیال رہے کہ فلم ’چنائے ایکسپریس‘ کی ریلیز سے قبل ہی ریپ سانگ ’لنگی ڈانس‘ نے مقبولیت کے جھنڈے گاڑ دیئے تھے۔ہنی سنگھ کے مطابق انہوں نے اس گانے کو 30 منٹ میں کمپوز کرکے فلم پروڈیوسروں کو بھیج دیا لیکن گانے کو فلم میں شامل کرنے کے لئے شاہ رخ خان کی اجازت چاہیے تھی اور انہوں نے اس کی منظوری کے لئے تین ہفتے لئے۔انہوں نے بتایا کہ ’وہ شاہ رخ خان کے ساتھ کام کرنے پر بہت زیادہ خوش تھے اور کام کا موقع ملنے پر وہ اداکار کے شکر گزار بھی ہیں تاہم جب مذکورہ گانا شاہ رخ خان کو پسند نہیں آیا تو ان سے صاف کہہ دیا تھا کہ ان کو گاناچاہیے تو ٹھیک ہے، نہیں چاہیے تو میں اس کو سنگل ریلیز کر دونگا، یہ ہٹ ہوگا‘۔کنگ خان کے التواء کے باوجود گانے کو فلم میں جگہ مل گئی اور وہ فلم کا کامیاب ترین گانا بن گیا اور شاہ رخ کے مداحوں نے اس گانے کو بہت زیادہ پسند کیا۔