بالی ووڈ اداکارسدھارتھ سوریا نارائن کو والدین سمیت بھارتی ائیرپورٹ پر ہراساں کیا گیا

ممبئی ،دسمبر۔ بالی ووڈ کی سپر ہٹ فلم” رنگ دے بسنتی "میں اہم کردار نبھانے والے اداکار سدھارتھ سوریانارائن کو والدین سمیت بھارت کے ائیر پورٹ پر ہراساں کیا گیا۔ جس کی تفصیل اداکار نے انسٹاگرام پر شیئر کی۔ ریاست تامل ناڈو سے تعلق رکھنے والے سدھارتھ نے اپنی انسٹاگرام پوسٹ میں سکیورٹی حکام پر الزام عائد کیا ہے کہ” انہوں نے اداکار سمیت ان کے والدین کو ہراساں کیا ہے”۔ اداکار نے ائیرپورٹ کی تصویر شیئر کی اور بتایا کہ "تامل ناڈو کے شہر مدورائی کے خالی ائیرپورٹ پر سکیورٹی حکام نے مجھے اور میرے والدین کو 20 منٹ تک ہراساں کیا.سکیوڑی حکام نے میرے بوڑھے ماں باپ کے بیگز سیسکے نکلوائے اور پھر اس کے بعد مسلسل ہم سے ہندی زبان میں بات کی جب کہ ہم پہلے کہہ چکے تھے کہ ہم سے انگریزی زبان میں بات کی جائے۔ سکیورٹی حکام کا یہ رویہ انتہائی غیر مناسب تھا، جب ہم نے اس کے خلاف احتجاج کیا تو انہوں نے جواب میں کہا کہ یہ بھارت ہے اور یہاں ایسا ہی ہوتا ہے”۔اداکار نے قے والا ایموجی استعمال کرتے ہوئے مزید لکھا کہ "یہ افراد طاقت کا مظاہرہ کررہے ہیں”۔واضح رہے کہ تامل ناڈو سے تعلق ہونے کے باعث متعدد اداکاروں کو ہندی زبان زیادہ اچھی نہیں آتی اور انہیں سمجھنے میں بھی مشکل پیش آتی ہے جس کے باعث وہ لوگ دیگر ریاستوں میں انگریزی میں بات کرتے ہیں”۔