ایڈوکیٹ گوری سمیت پانچ نے مدراس ہائی کورٹ کے ایڈیشنل جج کے طور پر حلف لیا

چنئی، فروری۔ ایڈوکیٹ ایل سی وکٹوریہ گوری اور چار دیگر وکلاء نے منگل کو مدراس ہائی کورٹ کے ایڈیشنل جج کے طور پر حلف لیا۔قائم مقام چیف جسٹس ٹی راجہ نے عدالت کے ججوں اور جوڈیشل افسران کی موجودگی میں نئے ججوں کو عہدے اور رازداری کا حلف دلایا۔محترمہ گوری کے ساتھ، پلئیپکم بہوکٹومبی بالاجی، کندھاسامی کولندیوالو رام کرشنن، جوڈیشل افسران رامچندرن کلیمتھی اور کے گووندراجن تھیلاکاودی نے ہائی کورٹ کے ایڈیشنل ججوں کے طور پر عہدہ سنبھالا۔قبل ازیں سپریم کورٹ نے انہیں ہائی کورٹ کے ایڈیشنل جج کے طور پر ترقی دینے کے کالجیم کے فیصلے کے خلاف دائر درخواستوں کے ایک بیچ کو خارج کر دیا تھا۔عدالت عظمیٰ نے درخواستوں کو اس بنیاد پر مسترد کر دیا کہ وہ یہ نہیں مان سکتی کہ کالجیم کو ایڈوکیٹ گوری کے سیاسی پس منظر اور ان کے متنازعہ بیانات سے آگاہی نہیں تھی۔17 جنوری کو سپریم کورٹ کالجیم نے مدراس ہائی کورٹ کے ایڈیشنل جج کے عہدے کے لیے محترمہ گوری کے نام کی سفارش کی۔تاہم، وکلاء کے ایک حصے نے اس فیصلے پر احتجاج کرتے ہوئے الزام لگایا کہ محترمہ گوری بھارتیہ جنتا پارٹی کی ایک اہم عہدیدار تھیں اورانہوں نے اقلیتوں کے خلاف غیر مہذب زبان کااستعمال کیاتھا۔