ڈینگو اور دیگر متعدی امراض کی اسکریننگ کے لیے سرویلانس کو بہتر بنانے کی ضرورت : وزیر اعلیٰ

لکھنو۔نومبر۔اتر پردیش کے وزیر اعلیٰ یوگی آدتیہ ناتھ نے آج اپنی سرکاری رہائش گاہ پر منعقدہ ایک اعلیٰ سطحی میٹنگ میں ڈینگو اور دیگر متعدی بیماریوں کا جائزہ لیتے ہوئے روک تھام کے لیے کوششیں تیز کرنے کی ہدایت دی۔ انہوں نے کہا کہ گزشتہ چند ہفتوں میں ڈینگو اور دیگر متعدی امراض کے مضر اثرات بڑھ رہے ہیں۔ ان کی اسکریننگ کے لیے سرویلانس کو بہتر بنانے کی ضرورت ہے۔ اس کام میں ا?شا بہنوں کا تعاون لیں۔ گھر گھر اسکریننگ کروائیں اور علامات والے مریضوں کی شناخت کریں اور ان کے مناسب علاج کا بندوبست کریں۔وزیراعلیٰ نے ہدایت دی کہ ڈیڈیکیٹڈ کوویڈاسپتالوں کی طرح ڈیڈیکیٹڈ ڈینگواسپتالوں کوفعال بنایا جائے۔ ہر ضلع میں کم از کم ایک ایسا فعال اسپتال ہونا چاہیے۔ ڈاکٹروں اور ہیلتھ ورکرس کی موجودگی،جانچ اور علاج کی سہولیات کے لیے مناسب انتظامات کیے جائیں۔ اسے ا?ئی سی سی سے بھی جوڑا جائے۔وزیر اعلیٰ نے کہا کہ ریاستی حکومت کے تمام وزراء￿ کو فیلڈ میں برقراررہنا چاہئے۔ کسی بھی صورت میں اس بات کو یقینی بنایا جائے کہ اسپتال میں ا?نے والے ہر مریض کو بستر ملے، مناسب طبی معائنہ ہو اور بروقت علاج ہو۔ ضلع اسپتال، پی ایچ سی، سی ایچ سی اور اعلیٰ سطح کے طبی ادارے ریاست کے تمام میڈیکل کالجوں سے لیس ہیں۔ عوام کو اس سے فائدہ اٹھانا چاہیے۔ صحت کی دیکھ بھال یا سیکیورٹی میں تعینات اہلکاروں سے توقع کی جاتی ہے کہ وہ مریضوں کی دیکھ بھال کرنے والوں کے ساتھ تعاون کریں۔وزیراعلیٰ نے کہا کہ ڈینگو کے مریضوں کے لیے ہر سرکاری اسپتال میں ا?ئسولیشن وارڈز بنائے گئے ہیں۔ مقامی ضروریات کے مطابق ان کی تعداد میں اضافہ کیا جائے۔ ڈینگو ٹیسٹ اور پلیٹ لیٹس ٹیسٹ تمام اضلاع میں دستیاب ہونا چاہیے۔ شہری ترقیات اور پنچایتی راج محکموں کے ذریعہ ریاست بھر میں صفائی اور فاگنگ کا کام باقاعدگی سے کیا جائے۔وزیر اعلیٰ نے کہا کہ صحت، شہری ترقیات، پنچایتی راج اور اطلاعات کے محکموں کو بڑے پیمانے پر بیداری کے پروگرام منعقد کیے جائیں۔ لوگوں کو ڈینگو کی علامات، وجوہات اور بچاو وغیرہ کے بارے میں بہتر معلومات فراہم کی جائیں۔ اخبارات میں بیداری پر مبنی اشتہارات، وال پینٹنگز، پبلک ایڈریس سسٹم وغیرہ کے ذریعے لوگوں کو اس بیماری کی وجہ، اثر اور علاج کے بارے میں تفصیلی معلومات فراہم کی جائیں۔وزیر اعلیٰ نے کہا کہ پریاگ راج میں تروینی پر آنے والے ماگھ میلے کی تیاریاں وقت پر مکمل کی جائیں۔ تمام عقیدت مند اپنے ورتھ، عہدکو عقیدے کے مطابق پوری کر سکیں، اس کے لیے انہیں اچھے انتظامات کرنے ہوں گے۔ ان کی ضروریات کا خیال رکھنا ہوگا۔ سادھو، سنتوں اور کلپ واسیوںبات چیت کریں۔ میلے کی جگہ پر مقامی تعمیراتی کام کو تیزی سے مکمل کریں۔وزیر اعلیٰ نے کہا کہ پریاگ راج ماگھ میلہ کے بہتر انعقاد کے لیے اسپیشل سکریٹری اور سپرنٹنڈنٹ آف پولیس کی سطح پر ایک ایک افسر کو فوری طور پر تعینات کیا جائے۔ یہ افسران میلے کے انتظامات کے ذمہ دار ہوں گے۔ کووڈ، ڈینگو اور دیگر وبائی امراض سے متعلق احتیاطی تدابیر کو مدنظر رکھتے ہوئے صفائی ستھرائی کا کام ہر روز جاری رکھاجائے۔ میلہ کے علاقے میں ہیلتھ کیمپ بھی لگائے جائیں۔ پریاگ راج ماگھ میلہ سمیت تمام میلوں، تہواروں کے مو قع پر بجلی کی فراہمی کو یقینی بنایا جائے۔وزیر اعلیٰ نے کہا کہ رواں خریف خریداری سال میں کسانوں سے دھان کی خریداری شروع ہو گئی ہے۔ کسانوں کی سہولت کے پیش نظر تمام خریداری مراکز کو فعال رکھا جائے۔ دھان کے خریداری مراکز پر کسانوں کی سہولیات کا پورا خیال رکھا جائے۔ مرکز خریداری پر ا?نے والے ہر اہل کسان سے دھان خریدا جائے۔ ان کی ادائیگی میں کوئی تاخیر نہیں ہونی چاہیے۔ کھاد کی کہیں بھی کمی نہیں ہے۔ کالابازاری کرنے والوں سے سختی سے نمٹا جائے۔وزیراعلیٰ نے ہدایت دی کہ جن اضلاع میں زیادہ بارشوں سے کسانوں کی فصل کو نقصان پہنچا ہے، ان کا معاوضہ بلاتاخیر ادا کیا جائے۔ بندیل کھنڈ علاقہ اور مغربی اتر پردیش کے اضلاع سمیت 50 اضلاع کے کسان متاثر ہوئے ہیں۔ اس بات کو یقینی بنایا جائے کہ ایک بھی متاثرہ کسان معاوضے سے محروم نہ رہے۔وزیراعلیٰ نے کہا کہ طلبہ کو مفت ٹیبلٹسا سمارٹ فونس کی تقسیم کا کام خوش اسلوبی سے جاری رکھا جائے۔ ہمیں اگلے 5 برسوں میں 02 کروڑ نوجوانوں کو ڈیجیٹل طاقت سے آراستہ کرنا ہے۔ ٹیبلیٹساسمارٹ فون ہر طالب علم کو بلا امتیازفراہم کرائے جائیں۔