ٹیچر بھرتی گھوٹالہ میں پارتھو چٹرجی کی گرفتاری کے بعدانہیں وزارت سے ہٹایا جائے

کلکتہ،جولائی ۔کانگریس کے ممبر پارلیمنٹ اور بنگال کانگریس کے صدر ادھیررنجن چودھری نے ممتا بنرجی کو خط لکھ کر مطالبہ کیا ہے کہ اسکول سروس کمیشن کے ذریعہ اساتذہ کی تقرری میں گھوٹالے کے معاملے میں ای ڈی کے ذریعہ پارتھو چٹرجی کی گرفتاری ہوگئی ہے اس لئے انہیں وزارت سے برطرف کیا جائے۔ذرائع کے مطابق یہ خط ممتا بنرجی تک پہنچ چکا ہے۔ادھیر رنجن چودھری نے لکھا ہے کہ پارتھو چٹرجی اس وقت ریاست کے وزیر تعلیم تھے جب ایس ایس سی بھرتی میں بدعنوانی کے الزامات لگے تھے۔ حکومت کے لیے شرمناک واقعہ ہے۔ اب پارتھو چٹرجی ریاستی کابینہ میں صنعت و تجارت کے وزیر ہیں۔ میں درخواست کرتا ہوں کہ انہیں فوری طور پر وزارت سے ہٹا دیا جائے۔منگل کی صبح بھونیشور سے پارتھو چٹرجی کو کلکتہ لایا گیا ہے۔رات کو وہ بھونیشور ایم ایس ای میں تھا۔ رات کو اسے واپس لانے کی کوشش کی گئی لیکن آخری لمحات میں ممکن نہ ہونے کی وجہ سے اسے منگل کو واپس لایا گیا ہے۔ عدالت نے حکم دیا کہ پارتھو کو 3 اگست تک ای ڈی کی تحویل میں رکھا جائے گا۔ خیال کیا جاتا ہے کہ اس کے بعد پارتھ کو کلکتہ میں ای ڈی کی طویل پوچھ گچھ کا سامنا کرنا پڑ سکتا ہے۔ اطلاعات ہیں کہ ارپیتا اور پارتھا سے آمنے سامنے پوچھ گچھ بھی ہو سکتی ہے۔ ای ڈی آج صبح4.30بجے پارتھو چٹوپادھیائے کے ساتھ بھونیشور ہوائی اڈے پر پہنچی۔ ای ڈی حکام نے ریاست کے سابق وزیر تعلیم کو صبح 5.40 بجے کی فلائٹ میں کولکاتہ کے لیے روانہ کیا۔ ساڑھے چھ بجے طیارہ کوکتہ پہنچاای ڈی نے عدالت میں سماعت کے دوران پہلے ہی دعوی کیا ہے کہ انہیں کئی دستاویزات ملے ہیں جس سے ثابت ہوتا ہے کہ پارتھا چٹرجی اور ارپیتا مکھرجی ایک دوسرے کو جانتے ہیں۔ ای ڈی حکام ارپیتا کے گھر سے برآمد ہونے والی رقم کا ذریعہ جاننا چاہتے ہیں اور یہ کس کا ہے۔ ان تمام سوالات کے جوابات حاصل کرنے کے لیے پارتھوں اور ارپیتا سے آمنے سامنے پوچھ گچھ کی جا سکتی ہے۔ ذرائع کے مطابق پوچھ گچھ کے دوران ای ڈی کے جوائنٹ ڈائرکٹر رینک کا ایک اہلکار خود بھی موجود ہوسکتا ہے۔