یوپی:روڈ ویز بسوں میں اب آن لائن بکنگ کی سہولیت:یوگی

لکھنؤ:مارچ۔ اترپردیش اسٹیٹ ٹرانسپورٹ کارپوریشن(یو پی ایس آر ٹی سی) کی بسوں میں سفر کے لئے اب ایپ یوپی راہی کے ذریعہ مسافر آن لائن بکنگ کرسکیں گے۔یوپی ایس آر ٹی سی نےٹکٹ بکنگ و مسافروں کے تاثر کے لئے ہفتہ کو ایپ لانچ کیا ہے۔وزیر اعلی یوگی آدتیہ ناتھ نے ایس ایپ کا اپنی سرکاری رہائش سے رسمی افتتاح کیا۔ یہ ایپ مسافروں کو نہ صرف گھر بیٹھے سفر کے لئے ایڈوانس بکنگ کا اہل بنائے گا بلکہ انہیں کیش لیس سہولیت بھی فراہم کرے گا۔ایپ پر مسافر اپنے سفر سے متعلق مسائل، ڈرائیور۔کنڈکٹر کے رویہ، بس کی حالت اور دیگر مسائل پر اپنا تاثر بھی دے سکیں گے۔ اس ایپ کا آغاز بس میں سفر کرنے والے ریاست کے لاکھوں مسافر اب ہیسل فری سفر کرسکیں گے۔ یوپی راہی ایپ کا رسمی آغاز ہونے کے ساتھ ہی یہ ایپ آفیشیل طور سے کام کرنے لگا۔ مسافر اسے گوگل پلے اسٹور سے ڈاؤن لوڈ کرسکتے ہیں۔ یہ ایپ ہندی۔انگریزی میں ہے۔یوپی ایس آر ٹی سی کے جنرل منیجر(آئی ٹی) یجویندر کمار نے بتایا کہ اس ایپ کے ذریعہ سے مسافر ڈیجیٹل ذریعہ سے ٹکٹ بک کرپائیں گے۔ایپ ڈاؤن لوڈ کرنے کے بعد انہیں سب سے پہلے خود کا رجسٹریشن کرنا ہوگا۔ رجسٹریشن کرانے کے بعد وہ ایپ پر موجود سبھی سہولیات کا استعمال کرسکیں گے۔