گہلوت نے آر یو ایچ ایس اور کالج آف ڈینٹل سائنسز میں 91 کروڑ روپے کے کاموں کو منظوری دی

جے پور، جنوری۔وزیر اعلیٰ اشوک گہلوت نے راجستھان یونیورسٹی آف ہیلتھ سائنسز (آر یو ایچ ایس) اور کالج آف ڈینٹل سائنسز، جے پور میں مختلف تعمیرات اور طبی وسائل کے لیے 91.49 کروڑ روپے کے کاموں کو منظوری دی ہے۔مسٹر گہلوت کی منظوری سے 15.55 کروڑ روپے کی لاگت سے 180 طالبات کے لیے ہاسٹل کی عمارت تعمیر کی جائے گی اور ڈینٹل کالج میں 13.39 کروڑ روپے کی لاگت سے 70 ریزیڈنٹ کے لیے ایک ہاسٹل (اسٹوڈیو اپارٹمنٹ) تعمیر کیا جائے گا۔کالج کے اسپتال کی عمارت پر 17.46 کروڑ روپے اور ایجوکیشن ڈپارٹمنٹ پر 8.54 کروڑ روپے کی لاگت سے کلینکل ایریا بھی تیار کیا جائے گا۔ اس کے ساتھ ہی آر یو ایچ ایس میں 19.55 کروڑ روپے کی لاگت سے مرمت کا کام کیا جائے گا اور 17 کروڑ روپے کی لاگت سے مختلف طبی آلات خریدے جائیں گے۔ یونیورسٹی کی اپنی سطح پر جمع کی گئی رقم کو مذکورہ کاموں اور ضروری آلات کی خریداری کے لیے استعمال کیا جائے گا۔ ضرورت پڑنے پر اضافی بجٹ کی فراہمی بھی کی جائے گی۔ یہ آر یو ایچ ایس اور ڈینٹل کالج میں زیر تعلیم طلباء اور مریضوں کے لیے سہولیات کو وسعت دیں گے۔