چیف الیکشن کمشنر نے رائے دہندگان بیداری مہم وین روانہ کی

چنڈی گڑھی، دسمبر۔ چیف الیکشن کمشنر سشیل چندر نے پنجاب اسمبلی انتخابات کے مدنظر آج رائے دہندگان بیداری مہم کے تحت ووٹرز اویئرنیس وین کو روانہ کیا۔اس موقع پر الیکشن کمشنر راجیو کمار اور انوپ چندر پانڈے اور پنجاب کے چیف رٹرننگ افسر ڈاکٹر ایس کرونا راجو بھی موجود تھے۔ ایل ای ڈی اور آڈیو سسٹم سے لیس کل ملاکر 30موبائل وین رائے دہندگان بیداری اور رجسٹریشن، اخلاقی ووٹنگ اور ای وی ایم۔ووی پی اے ٹی سمیت مختلف پہلووں کے بارے میں بیداری پھیلانے کے لے پوری ریاست میں چلیں گی۔ بڑے اضلاع کو دود و وین ملیں گی، جبکہ چھوٹے اضلاع کو ایک ایک وین دی جائیں گی۔کمیشن کی ٹیم میں ریاست کے مختلف آڈیو وزول اور چل رہی فیلڈ سرگرمیوں کو پیش کرنے والی ووٹر کی منظم تعلیم اور انتخابی شرکت(سویپ) نمائش کا افتتاح کیا۔ اس کے بعد ٹیم نے موقع پر موجود پہلی بار ووٹ ڈالنے والے، معذور (پی ڈبلیو ڈی) رائے دہندگان اور ٹرانس جینڈر سمیت مختلف طبقات کے رائے دہندگان کے ساتھ بات چیت کی اور ان کی پولنگ میں شرکت کے لئے زیادہ سے زیادہ لوگوں کو بیدار کرنے کے لئے حوصلہ افزائی کی۔ اس موقع پر کمیشن نے ان رائے ہندگان کو اعزاز سے بھی نوازا۔بعد میں کمیشن کی ایک کے اے پی سروے رپورٹ، سویپ یوجنا، ای پی آئی سی کٹ، ای وی ایم۔ووی پی اے ٹی پوسٹر اور ووٹر گائڈ جاری کی۔