ترنمول کانگریس کے سینئر ممبر پارلیمنٹ سوگاتارائے کا خواتین کے خلاف تشدد کے واقعات پراظہار تشویش

کلکتہ,اپریل۔ ترنمول کانگریس کے سینئر ممبر پارلیمنٹ سوگتا رائے نے مغربی بنگال میں خواتین کے خلاف تشدد کے واقعات پر تشویش کا اظہار کرتے ہوئے کہا ہے کہ یہ واقعات ہمارے لئے شرم کی بات ہے۔وزیر اعلیٰ ممتا بنرجی ایک خاتون وزیر اعلیٰ ہیں اس کے باوجود یہاں خواتین کے خلاف تشدد کے واقعات رونما ہورہے ہیں۔ دکھشنیشور میں منعد ایک پروگرام میں ممبر پارلیمنم سوگتارائے نے کہاکہ ہر کوئی خواتین کے خلاف تشدد سے پریشان ہے۔ زیرو ٹالرنس ہونا چاہیے۔ کسی بھی واقعے کی صورت میں سخت کارروائی کی جانی چاہیے، انہوں نے مزید کہا کہ انہیں امید ہے کہ پولیس انتظامیہ اس پر نظر رکھے گی۔سوگتارائے کے ریمارکس کو ریاست کے مختلف حصوں بشمول دی گنگا، مٹیا، انگلش بازار، بنشدرونی، بولپور، ہانس کھالی میں خواتین کے خلاف تشدد کے حالیہ واقعات کی روشنی میں اہم سمجھا جاتا ہے۔ جمعرات کو بیرک پور پولس کمشنریٹ کے زیر اہتمام دکشینیشور پروگرام میں کمرہاٹی ترنمول کے ایم ایل اے مدن مترا بھی سوگت کے ساتھ موجود تھے۔ریاستی کانگریس کے صدر ادھیررنجن چودھری نے کہاکہ ”سوگتارائے ایک اچھے آدمی ہیں۔ یہ ٹھیک ہے.تاہم وہ اپنی بات اتنی مضبوطی سے نہیں کہا ہے جس جس کی ضرورت تھی۔ کیونکہ ان کی پارٹی اقتدار میں ہے۔بی جے پی لیڈر شیامک بھٹاچاریہ نے کہاکہ سوگت بابو، جنہیں وہ ‘خاتون وزیر اعلیٰ’ کہتے تھے، ریاست کے پولیس وزیر بھی ہیں۔ دوسری طرف ترنمول لیڈر جے پرکاش مجمدار نے کہا کہ ”اس صورت میں اگر کوئی مرد کسی ریاست کا وزیر اعلیٰ ہے تو کیا خواتین کے خلاف کوئی تشدد ہو سکتا ہے؟ اس سے کوئی فرق نہیں پڑتا کہ وزیر اعلیٰ مرد ہے یا عورت۔ خواتین کے خلاف تشدد کے نام پر اس بیماری کو ختم کرنا ہوگا۔