کترینہ کیف کے بعد سوناکشی سنہا کی شادی کی خبریں بھی گردش کرنے لگیں لیکن وہ کس خاندان کی بہو بننے جارہی ہیں؟ تہلکہ خیز دعویٰ

ممبئی ،دسمبر۔ بالی ووڈ میں ان دنوں اداکاروں کی شادیوں کا سیزن جاری ہے اور ایک کے بعد ایک اداکاروں کی جوڑی شادی کے بندھن میں بندھ رہی ہے۔ حال ہی میں بالی ووڈ اداکار راج کمار راؤ اور پترالیکھا نے شادی کی جبکہ وکی کوشل اور کترینہ کیف کی شادی کی خبریں بھی زبان زد عام ہیں، اب بالی ووڈ اداکارہ سوناکشی سنہا کی شادی کی خبریں سامنے آئی ہیں۔میڈیا نے دعویٰ کیا ہے کہ سوناکشی سنہا بالی وڈ اداکار سلمان خان کے قریبی رشتے دار’ بنٹی سچدیوا’ سے شادی کرنے جارہی ہیں، بنٹی سچدیوا سلمان خان کے بھائی سہیل خان کی اہلیہ سیما کے بھائی ہیں۔میڈیا کا کہنا ہے کہ بنٹی سچدیوا سپورٹس منیجمنٹ کمپنی اور ایک پی آر ایجنسی کے مالک ہیں جبکہ سوناکشی اور بنٹی کو اکثر مختلف پارٹیز میں ایک ساتھ دیکھا گیا ہے تاہم سوناکشی سنہا یا سلمان خان کے خاندان کی طرف سے شادی سے متعلق کسی قسم کی تصدیق نہیں کی گئی۔