انوراگ نے اونا میں ایس بی آئی ریجنل آفس کا افتتاح کیا

اونا ، اکتوبر۔ اطلاعات و نشریات , کھیل اور نوجوانوں کے امور کے مرکزی وزیر انوراگ ٹھاکر نے آج ہماچل پردیش کے اونا میں اسٹیٹ بینک آف انڈیا (ایس بی آئی) کے علاقائی کاروباری دفتر کا افتتاح کیا۔اس موقع پر موجود عہدیداروں اور مقامی لوگوں سےخطاب کرتے ہوئے مسٹر ٹھاکر نے کہا کہ پچھلے کچھ سالوں میں ، ملک کے سرکاری بینکوں میں اب تک کے سب سے زیادہ بینک کھاتہ کھولے گئے ہیں اور تقریباً 42 42.5 کروڑ لوگوں کو مالیاتی نظام میں شامل کیا گیا ہے جو بینکنگ خدمات کا فائدہ نہیں اٹھا پا رہے تھے۔ اس مالیاتی شمولیت کے عمل نے ملکی معیشت کی ترقی میں اہم کردار ادا کیا ہے۔ بینکوں اور مائیکرو ، چھوٹے اور درمیانے درجے کی صنعت ملک کو ایک مضبوط معیشت بنانے کے وزیر اعظم نریندر مودی کے خواب کو پورا کرنے میں اہم کردار ادا کر رہی ہے۔بینک کے چیئرمین دنیش کھارا نے اس موقع پر کہا کہ ایس بی آئی نے حکومت کی طرف سے دی گئی ہر ذمہ داری کو پورا کیا ہے اور ایک کاروباری ادارے کے طور پر اپنے کاروبار میں نئی جہتیں بھی طے کی ہیں۔ بینک نے معاشرے کے تئیں اپنی ذمہ داریوں کو بھی پورا کیا ہے اور ملک کی تعمیر اور خوشحالی اورترقی کے لیے مسلسل کوشاں ہے۔اس موقع پر اسٹیٹ فائنانس کمیشن کے چیئرمین ستپال ستی ، ڈائریکٹر جنرل پولیس سنجے کنڈو ، چیف جنرل منیجر چنڈی گڑھ ڈویژن انوکول بھٹناگر ، جنرل منیجر چنڈی گڑھ ڈویژن اجے کمار جھا اور شملہ ڈویژنل ڈپٹی جنرل منیجر پون کمار اور دیگر معززین اس موقع پر موجود تھے۔اس موقع پر ، ایک ’کسٹمر آؤٹ ریچ پروگرام‘ کا انعقاد کیا گیا جس میں مدرا رِن کے تحت ایس ایچ جی ، چھوٹے اور درمیانے درجے کے کاروباری اداروں کے تقریباً 70 مستحقین کو قرض کی منظوری کے لیٹر سونپے گئے۔