نائب وزیر اعلیٰ کیشو پرساد موریہ 23 نومبر کو جونپور جائیں گے
جونپور، اترپردیش کے نائب وزیر اعلیٰ کیشو پرساد موریہ تسلیم شدہ نامہ نگاروں کی کمیٹی کے ریاستی صدر اور سینئر صحافی ہیمنت تیواری کے
آبائی گھر پر 25 نومبر کو منعقد ہونے والی شادی کی تقریب میں شرکت کے لیے جونپور ضلع کے سوئیتھ کلا پہنچیں گے۔ شادی کی تقریب سے دو دن قبل ان کے دورے کا پروگرام ان کی مصروفیات کو مدنظر رکھتے ہوئے طے کیا گیا ہے۔
سرکاری ذرائع کے مطابق ریاست کے نائب وزیر اعلیٰ 23 نومبر کو صبح 11 بجے لکھنؤ کے لامارٹینئر گراؤنڈ سے سرکاری ہیلی کاپٹر کے ذریعے روانہ ہوں گے۔ دوپہر 12 بجے ان کا ہیلی کاپٹر سوئیتھ کلا علاقے کے چھیتَم پٹی گاؤں میں بنائے گئے ہیلی پیڈ پر اترے گا۔ وہاں سے سرکاری گاڑی کے ذریعے 12:10 بجے وہ سینئر صحافی ہیمنت تیواری کے آبائی گھر پہنچیں گے اور ان سے اور ان کے اہل خانہ سے ملاقات کریں گے، ساتھ ہی ان کی بھتیجی کو آشیرواد دیں گے۔ پروٹوکول میں مقامی اسکیموں کے زمینی معائنے کا پروگرام بھی شامل ہے۔ اس کے بعد دوپہر 12:40 بجے وہ گھر سے روانہ ہوکر 12:45 بجے مذکورہ ہیلی پیڈ پہنچیں گے اور ہیلی کاپٹر کے ذریعے پریاگ راج کے لیے روانہ ہوجائیں گے۔نائب وزیر اعلیٰ کے دورے کے سلسلے میں متعلقہ انتظامی اور پولیس افسران کو ضروری ہدایات دے دی گئی ہیں۔




