کارتک آرین کی مونسٹر تھرلر فلم ‘کالیا کا اعلان
5 مئی 2028 کو سنیما گھروں میں ریلیز ہوگی
ممبئی، ھرما پروڈکشنز اور ڈوپامین اسٹوڈیوز نے اداکار کارتک آرین کی اداکاری سے سجی اپنی نئی مونسٹر تھرلر فلم ‘کالیا کا اعلان کیا ہے۔ کرن جوہر، ادر پونا والا، اپورو مہتا، سومن مشرا، ماریجکے ڈی سوزا اور کارتک آرین کی تیار کردہ اس فلم کی ہدایت کاری سندیپ مودی کریں گے۔ یہ فلم 5 مئی 2028 کو دنیا بھر کے سنیما گھروں میں
ریلیز ہوگی۔
کارتک آرین کی سالگرہ کے موقع پر اعلان کی گئی اس فلم کو ہندی سنیما میں مونسٹر تھرلر صنف کے ایک نئے تجربے کے طور پر پیش کیا جارہا ہے۔ فلم کی کہانی ہندوستانی لوک داستانوں، اساطیری عقائد اور ملک کی ثقافتی روایات سے متاثر ہوگی۔ اس میں سنسنی اور راز و تجسس کے ساتھ ہندوستانی سرزمین سے جڑی کہانیوں کو جدید فلمی انداز میں پیش کیا جائے گا۔کالیا کے ذریعے دھرما پروڈکشنز ناظرین کے سامنے ایک الگ طرح کی فلمی دنیا تخلیق کرنے کی تیاری میں ہے۔ فلم میں ہندوستانی عوامی عقائد اور نسل در نسل چلی آرہی روایات کو مونسٹر تھرلر کے سنسنی خیز انداز میں پیش کیا جائے گا۔




