فوجی خاندان ملک کی طاقت اور شاندار روایت کی علامت : یوگی

لکھنؤ، وزیر اعلیٰ یوگی آدتیہ ناتھ ہفتہ کو انقلابی سرزمین میرٹھ میں منعقد ہونے والی ‘سابق فوجیوں کی دوبارہ ملاقات کی تقریب’ میں شرکت کریں گے۔
تقریب سے پہلے وزیر اعلیٰ نے اپنے سوشل میڈیا اکاؤنٹ ‘ایکس پر لکھا کہ ریاست کے 5.19 لاکھ سابق فوجیوں اور ان کے اہل خانہ کے تئیں اظہارِ تشکر کا موقع حاصل ہوگا۔ تقریباً 15 سے 20 لاکھ افراد پر مشتمل یہ وسیع فوجی خاندان ملک کی طاقت اور ہماری شاندار روایت کی علامت ہے۔
مسٹر یوگی نے بتایا کہ ملک میں ہر سال ریٹائر ہونے والے تقریباً 60 ہزار فوجیوں میں سے 10 سے 12 ہزار اترپردیش کے ہوتے ہیں۔ یہ ملک کے دفاع میں ریاست کے اہم رول کا ثبوت ہے۔ سابقہ حکومتوں نے کئی دہائیوں تک ‘ایک عہدہ، ایک پنشن کے معاملے کو زیر التوا رکھا۔ فوجیوں اور شہیدوں کے اہل خانہ کا احترام ان کی ترجیحات میں شامل نہیں تھا۔ اب وزیر اعظم نریندر مودی کی قیادت میں نیا ہندوستان فوجیوں کے احترام اور ان کی صلاحیت کو سب سے زیادہ ترجیح دے رہا ہے۔
وزیر اعلیٰ نے لکھا کہ ‘آپریشن سندور میں ہندوستانی فوج کے بہادری کے کارناموں سے لے کر اترپردیش ڈیفنس کوریڈور اور لکھنؤ میں برہموس میزائل کی تیاری تک، اترپردیش دفاعی شعبے میں خود کفالت کا نیا مرکز بن رہا ہے۔ دوہری انجن والی حکومت نے شہیدوں کے اہل خانہ کو 50 لاکھ روپے کی امدادی رقم، ایک زیر کفالت فرد کو سرکاری ملازمت، اگنی ویروں کے لیے اترپردیش پولیس میں 20 فیصد اور گروپ ‘بی’ کے عہدوں پر 5 فیصد ریزرویشن دینے کے ساتھ ہی 31700 سے زیادہ سابق فوجیوں کو روزگار فراہم کرنے جیسے ٹھوس اقدامات کیے ہیں۔
وزیر اعلیٰ نے فوجیوں کا احترام، شہیدوں کے اہل خانہ کو سہارا دینا اور سابق فوجیوں کی فلاح و بہبود کو قومی عزم قرار دیا۔