‘ہاؤس فل 4’ کے 7 سال مکمل، کرتی کھربندا نے اپنے شاہانہ انداز کو یاد کیا

ممبئی، بالی ووڈ اداکارہ کرتی کھربندا نے اپنی فلم ‘ہاؤس فل 4’ کے 7 سال مکمل ہونے پر اس سے جڑی یادیں تازہ کی ہیں اور فلم کا حصہ بننے پر اظہار تشکر کیا ہے۔
سال 2019 میں ریلیز ہونے والی مزاحیہ فلم ‘ہاؤس فل 4’ کی سالگرہ کے موقع پر کرتی نے سماجی رابطے کی ویب سائٹ پر مصنوعی ذہانت سے تیار کردہ ایک ویڈیو شیئر کیا، جس میں فلم میں ان کا شاہانہ انداز نظر آرہا ہے۔ اداکارہ نے اس کے ساتھ ایک جذباتی پیغام بھی شیئر کیا اور لکھا، فلم، اس تجربے، پوری ٹیم اور یقیناً اپنے ناظرین کی شکر گزار ہوں!
فلم میں کرتی کھربندا دوہرے کردار میں نظر آئی تھیں۔ ان کے روایتی ملبوسات، خوبصورت زیورات اور شاہانہ انداز نے ناظرین کی توجہ اپنی جانب مبذول کی تھی۔ فلم میں مختلف ادوار کے دوران ان کے کرداروں کے انداز اور شخصیت میں فرق بھی دیکھنے کو ملا تھا۔
کرتی کی اس پوسٹ نے فلم سے جڑی پرانی یادیں تازہ کردی ہیں۔ اداکارہ نے اپنے پیغام کے ذریعے فلم کی پوری ٹیم اور ناظرین کا شکریہ ادا کیا، جن کے تعاون اور محبت نے اس تجربے کو ان کے لیے یادگار بنا دیا۔