پوپ لیو چہاردہم کی کامیاب سرجری وزیر اعظم مودی نے خو شی کا اظہار کیا، جلد صحت یابی کی دعا نئی دہلی، ۔وزیر اعظم نریندر مودی نے پوپ لیو چہاردہم کی سرجری کامیاب ہونے پر خوشی کا اظہار کیا ہے اور ان کی جلد صحت یابی کے ساتھ بہتر صحت کے لیے نیک خواہشات پیش کی ہیں۔ وزیر اعظم نے امید ظاہر کی کہ پوپ جلد مکمل طور پر صحت یاب ہو جائیں گے اور ان کی صحت آئندہ بھی اچھی رہے گی۔وزیر اعظم مودی نے بدھ کے روز سوشل میڈیا پلیٹ فارم ایکس پر اپنے پیغام میں کہا کہ انہیں یہ جان کر خوشی ہوئی کہ گزشتہ رات پوپ لیو چہاردہم کی سرجری کامیاب رہی۔ انہوں نے پوپ کی جلد مکمل صحت یابی اور مسلسل اچھی صحت کے لیے نیک خواہشات کا اظہار کیا۔قابل ذکر ہے کہ پوپ لیو چہاردہم کا اصل نام رابرٹ فرانسس پریووسٹ ہے۔ ان کی پیدائش 14 ستمبر 1955 کو امریکہ کے شہر شکاگو میں ہوئی تھی۔ انہوں نے ویلانوا یونیورسٹی سے ریاضی میں گریجویشن کیا، جس کے بعد فلسفہ، علمِ الٰہیات اور کلیسائی قانون کی تعلیم حاصل کی۔19 جون 1982 کو انہیں پادری مقرر کیا گیا تھا۔ پوپ لیو چہاردہم رومن کیتھولک چرچ کے 267ویں پوپ ہیں اور امریکہ میں پیدا ہونے والے پہلے پوپ ہونے کا اعزاز بھی رکھتے ہیں۔
